జీవితాంతం కష్టపడి సంపాదించిన డబ్బుతో కొత్త ఇల్లు లేదా అపార్ట్‌మెంట్ కొనడం ప్రతి ఒక్కరికీ పెద్ద కల. ఇల్లు రిజిస్ట్రేషన్ పూర్తయి, తాళాలు చేతికి వచ్చిన తర్వాత ఇక అన్ని బాధ్యతలు ముగిశాయని చాలామంది భావిస్తారు. కానీ కొత్త ఇంట్లోకి మారిన కొద్ది రోజులకే గోడలకు పగుళ్లు రావడం, నేల దెబ్బతినడం, పైపుల నుంచి నీరు కారడం లేదా అమ్మకపు ఒప్పందంలో వాగ్దానం చేసిన సౌకర్యాలు అందకపోవడం వంటి సమస్యలు ఎదురైతే కొనుగోలుదారులు అయోమయానికి గురవుతారు. ఇలాంటి సందర్భాల్లో ఇంటిని కొనుగోలు చేసిన తర్వాత కూడా బిల్డర్‌పై కొన్ని బాధ్యతలు ఉంటాయని తెలుసుకోవడం చాలా ముఖ్యం.