జీవితం వృథా చేసుకోవడానికి కాదు, చైతన్యవంతంగా ప్రయోజనాత్మకంగా జీవించడానికి.

నిజమైన స్నేహితున్ని సంపాదించుకోవడం అన్నిటికంటే కష్టతరం.

మనసులోని యోచన, మాటలోని సూచన, క్రియలోని ఆచరణ ఈ మూడు ఒకటిగా ఉన్నవాడే మహాత్ముడు.

ఓటమి గురువులాంటిది. ఏమి చెయ్యకూడదో ఎలా చెయ్యకూడదో అది నేర్పుతుంది.

మీరు ప్రతిరోజూ తృప్తిగా నిద్రించాలనుకుంటే, ప్రతి ఉదయమూ ఒక చక్కటి సంకల్పంతో నిద్ర లేవడం అలవాటు చేసుకోండి.

పర్వతం ఎత్తు చూసి జంకితే శాశ్వతంగా కిందనే; సాహసించి ఒక్కో అడుగూ పైకి నడిస్తే — శిఖరాగ్రం మీదనే.

మంచి వారితో స్నేహం ఉదయపు ఎండలా పెరుగుతుంది. చెడ్డ వారితో స్నేహం సాయంత్రపు ఎండలా తరిగి పోతుంది.