Telugu Sukthulu

నిజమైన స్నేహితున్ని సంపాదించుకోవడం అన్నిటికంటే కష్టతరం.

మనసులోని యోచన, మాటలోని సూచన, క్రియలోని ఆచరణ ఈ మూడు ఒకటిగా ఉన్నవాడే మహాత్ముడు.

ఓటమి గురువులాంటిది. ఏమి చెయ్యకూడదో ఎలా చెయ్యకూడదో అది నేర్పుతుంది.

మీరు ప్రతిరోజూ తృప్తిగా నిద్రించాలనుకుంటే, ప్రతి ఉదయమూ ఒక చక్కటి సంకల్పంతో నిద్ర లేవడం అలవాటు చేసుకోండి.

పర్వతం ఎత్తు చూసి జంకితే శాశ్వతంగా కిందనే; సాహసించి ఒక్కో అడుగూ పైకి నడిస్తే — శిఖరాగ్రం మీదనే.

మంచి వారితో స్నేహం ఉదయపు ఎండలా పెరుగుతుంది. చెడ్డ వారితో స్నేహం సాయంత్రపు ఎండలా తరిగి పోతుంది.

ఒకరిని ఎంతకాలమైతే మనం అనుకరిస్తూ వుంటామో, అంతకాలం మనం ముందుకు వెళ్ళలేము.

ఇతరులకు మేలు చేయడం ఒక కర్తవ్యంకాదు. అది ఒక సంతోషం. ఎందుకంటే అది నీ ఆరోగ్యాన్ని, ఆనందాన్ని పెంపొందిస్తుంది.

మన మనస్సు పవిత్రంగా ఉండి ఏ చిన్న పనిచేసినా అది విజయవంతం అవుతుంది.

భవిష్యత్తులో ఏమి కానున్నదో అని భయపడకుండా తన కర్తవ్యాన్ని నిర్వర్తించేవాడే నిజమైన ధీరుడు.

ధనవంతుడు అంటే ఎలా సంపాదించాలో తెలిసినవాడు కాదట, ఎంత సక్రమంగా ఖర్చుపెట్టాలో తెలిసినవాడట.

ఇతరులు నీ గురించి ఏమనుకుంటున్నా నువ్వు మాత్రం వారి మంచినే కోరు.

సలహా అనేది మీ స్నేహితులను కేవలం సంతోష పెట్టేదిగా కాదు, సహాయ పడేదిగా వుండాలి.

పొగడ్త పన్నీరులాంటిది దాన్ని వాసన చూడాలే తప్ప తాగకూడదు.

వివేకి అయిన మానవుడు ప్రతీ క్షణాన్ని సద్వినియోగపరచుకోవాలి.

మహాత్ముల స్ఫూర్తిని పొందినవారు గొప్పగా ఆలోచిస్తారు. త్యాగాలు చేస్తారు. అద్భుతాలు సృష్టిస్తారు.

పొరుగింటి గోడలు శుభ్రంగాలేవని విమర్శించడం కాదు. నీ గుమ్మం ముందున్న చెత్తను శుభ్రం చేసుకో.

ఒక గొప్ప పుస్తకం చదివినప్పుడు ఓ కొత్త స్నేహితుడు దొరికినంత సంబరమూ, దాన్ని మళ్ళీ చదివినప్పుడు చిరకాల మిత్రుణ్ణి కలిసినంత ఆనందమూ కలుగుతుంది.

దృఢమైన సంకల్పం, స్థిరమైన కృషి వుంటే విజయం తప్పక లభిస్తుంది.

రహస్యం — నీ దగ్గరున్నంతసేపూ నీకు బానిస. మరొకరికి చెప్పావంటే ఇక అది నీకు యజమాని.

గెలవాలన్న తపన తగ్గితే ఓటమి దగ్గరయినట్లే.

జీవితం ఓ యుద్ధభూమి, పోరాడితే గెలిచేందుకూ అవకాశం ఉంటుంది. ఊరక నిలుచుంటే మాత్రం ఓటమి తప్పదు.

కెరటాలు కాళ్ళ దగ్గరకు వచ్చాయని సముద్రాన్ని చులకనగా చూడటం ఎంత తెలివి హీనతో, సహనం వహిస్తున్నారు కదా అని ఉత్తములను తక్కువగా అంచనా వేయడమూ అంతే.

కష్టాలలో ఉన్నవారిని చూసి దుర్భలులు బాధపడతారు, ధీరులు సాయపడతారు.

ఉన్నత లక్ష్యాలనే కలిగి వుండు, అత్యున్నతమైన దానిని సాధించాలని గాఢంగా కోరుకో.

ఈ ప్రపంచంలో సమర్థుడు నిద్రపోడు. అసమర్థుడు సమాజంలోనికి రాడు.

ఉపాధ్యాయుడు నిరంతరం నేర్చుకుంటూ ఉంటే తప్ప ఇతరులకు బోధించలేడు. దీపం తాను వెలుగుతూ ఉంటే తప్ప మరో దీపాన్ని వెలిగించలేదు.

చదువంటే మనకు కావలసినదంతా తెలుసుకోవటం. జ్ఞానం అంటే మనకు అవసరం లేనిది వదిలి పెట్టగలగటం.

ధీరులంటే ప్రపంచాన్ని జయించిన వారు కాదు. తన మనస్సును జయించిన వారే నిజమైన ధీరులు.

ధనాన్ని ఎవరైనా కూడ బెట్టగలరు. కానీ ధర్మాన్ని కూడబెట్టిన వారే ధన్యాత్ములు.

సృష్టిలో తీయనిది స్నేహమే. హితం కోరేవాడే అసలైన స్నేహితుడు.

మనం ఏమిటన్నది గుర్తించనంతకాలం మన జీవితం మారదు.

మనిషికి బాగా అవసరమయ్యేది కాలమే! అయితే మనిషి ఎక్కువగా దుర్వినియోగం చేసుకునేది కూడా కాలాన్నే!

చిన్నపొరపాటే కదా అని నిర్లక్ష్యం తగదు, పెద్ద ఓడను ముంచేయడానికి చిన్న రంధ్రం చాలు.

ఇతరులు చేసిన ఏ పనివల్ల నీ మనస్సుకు బాధ కలుగుతుందో ఆ పనిని నీవు ఇతరులకు చేయవద్దు.

విద్య వినయాన్ని పెంపొందించాలి. వినయం లేని విద్య వ్యర్థం. విద్య వినయంతో కూడినప్పుడే అహంకారం నుండి తప్పించుకోగలుగుతారు. స్థితి పెరుగుతున్న కొద్దీ అణకువ, వినయం పెరగాలి. వినయం పెంచుకునే కొలది శాంతి లభిస్తుంది.

జీవితంపట్ల అవగాహన ఉన్న వ్యక్తి జీవితాన్ని సద్వినియోగపరచుకుంటాడు.

నిరంతరం తపన, ఆరాటం వుండాలి అదే తపస్సు. తపస్సు ద్వారా మనిషి సాధించలేనిది ఉండదు.

అన్నదానం, వస్త్రదానం, ప్రాణదానం కన్నా జ్ఞానదానం చాలా ఉన్నతమైనది.

సమదృష్టితో సమాజాన్ని చూడాలి. సత్యవంతంగా జీవితాన్ని కొనసాగించాలి.

సత్యం, అహింస, సేవానిరతి, క్రమశిక్షణ, క్షమాగుణం, ఇవే విజయానికి మూల సూత్రాలు.

శ్రమయే మనుషుల్ని అదృష్టవంతుల్ని చేస్తుంది.

విద్య జ్ఞానాన్నిస్తుంది. విలువలు సత్ప్రవర్తన నిర్మాణానికి పునాదులు వేస్తాయి. విశాల మానవప్రపంచం గురించి ఆలోచింపజేసి మరింత ముందుకు నడిపిస్తుంది ధైర్యం.

మహాత్ములు ఒక్క నిమిషమైనను వ్యర్థముగా గడపరు.

నేటి తెలివైన నిర్ణయం, రేపటి బంగారు భవితకు పునాది.

గొప్ప వ్యక్తుల జీవిత చరిత్రలు చదవాలి. వారి ఆలోచనలనుండి స్ఫూర్తి పొందుతూ వుండాలి, అప్పుడే వారి లక్షణాలు మనకు వస్తాయి.

ఆశలు, ఆశయాలు అందరికీ వుంటాయి. కాని నిత్యం శ్రమించేవారే వాటిని నేర్చుకోగలుగుతారు.

ఇంటికప్పులోని రంధ్రం ఎండలో కన్పించకపోవచ్చు కానీ వానలో దాని బండారం తప్పక బయటపడుతుంది.

తన దేశాన్ని చూసి గర్వించే మనిషంటే నా కిష్టం. తన దేశానికి గర్వకారణంగా నిలిచే మనిషంటే మరీ ఇష్టం.

మహోన్నత వ్యక్తిత్వాన్ని గుర్తించడం చాలా కష్టం. ఆ ఛాయలు ఎంతో కొంత మనలో కూడా ఉంటేనే అది సాధ్యం.

మనిషి ఎప్పుడూ తనకున్న సంపదతో తృప్తి పడాలి: కానీ తనకున్న విజ్ఞానంతో తృప్తి పడకూడదు.

అభినందించడం తప్ప అసూయపడటం ఎరుగనివాడు ఎంతో అదృష్టవంతుడు.

జీవితం వృథా చేసుకోవడానికి కాదు, చైతన్యవంతంగా ప్రయోజనాత్మకంగా జీవించడానికి.

మిత్రుడు ఆనందంగా ఉన్నప్పుడు ఆహ్వానిస్తే వెళ్శాలి. కష్టాలలో ఉన్నప్పుడు పిలవకున్నా వెళ్లాలి.

జ్ఞానం అమాంతంగా పొంగిపొర్లదు. అంచెలంచెలుగా అభివృద్ధి చెందుతుంది.

సంపాదించడం అందరికీ తెలుసు, కానీ ఖర్చెలా చేయాలన్నది మాత్రం లక్షల్లో ఒక్కరికే తెలుసు.

జీవితంలో ఎన్నిసార్లు ఓడినా గెలవడానికి మరో అవకాశం ఉంటుంది.

అందం నడవడికలో వుంటుంది కానీ, ఆడంబరాలలో కాదు.

జనులు నిన్ను ఏమైనా అననివ్వు. నీ దృఢ నిశ్చయాన్నే అంటిపెట్టుకో, అలాగైతే కావలసినదంతా తప్పకుండా లభిస్తుంది. యావత్ప్రపంచం నీకు జేజేలు పలుకుతుంది.

ఒక్కతప్ప కూడా చెయ్యని వ్యక్తిని మీరు చూపిస్తే ఒక్కపని కూడా చెయ్యని వ్యక్తిని నేను చూపిస్తా.

దేవుడు మనకు నోరిచ్చింది నాలుగు మంచి మాటలు మాట్లాడమని, చేతులిచ్చింది నాలుగు మంచి పనులు చేయమని.

లోభ, మోహాలను వదులుకున్నప్పుడే మనిషి తన మనస్సును అదుపు చేయగలుగుతాడు.

బలహీనులే అదృష్టాన్ని నమ్ముతారు. ధీరులెప్పుడూ కార్య కారణ సంబంధాన్నే విశ్వసిస్తారు.

సక్రమంగా ఉండాలా దయగా ఉండాలా అన్న సంశయం వస్తే దయవైపే మొగ్గు, అది ఎప్పుడూ సక్రమమే అవుతుంది.

అతి కష్టమైన పని — నిన్ను నువ్వు తెలుసుకోవడం. అతి తేలికైన పని ఇతరులకు సలహాలివ్వడం.

ఇతరులు నీపై నమ్మకం పెంచుకోవాలంటే ముందు ఎదుటివారు నీపై నమ్మకం పెంచుకునేలా జీవించు.

మేలు చేయక పోయినా ఫరవాలేదు. ఎవరికీ కీడు మాత్రం చేయకూడదు.

ఒక స్థితి నుండి ఉన్నతంగా ఎదిగేందుకు ప్రయత్నించడమే యోగం.

ఎన్ని సమస్యలెదురైనా దృఢచిత్తంతో, ఆత్మస్థైర్యంతో ఎదుర్కోవాలి.

మనం ఎందుకు జన్మించామో తెలుసుకోకుండానే మనలో చాలామంది ఈ ప్రపంచం నుంచి వెళ్ళిపోతూ ఉంటారు.

మంచి పుస్తకాలు త్వరపడి చదవకపోతే ముందు ముందు వాటిని చదివే అవకాశమే ఉండక పోవచ్చు.

రాళ్ళలాగా ఎక్కడంటే అక్కడ దొరక్కుండా అరుదుగా లభిస్తాయి కనుకే వజ్రాలకంత విలువ — ప్రశంసలైనా అంతే!

మనిషి అత్యంత ఉన్నతమైన శిఖరాలకు ఎక్కవచ్చు. కాని అతను అక్కడే ఎక్కువ కాలం వుండలేడు.

దానము చేయని ధనము, సంస్కారములేని చదువు వ్యర్థము.

నువ్వు ధైర్యంగా ఒక అడుగు ముందుకు వేస్తే విజయం పది అడుగులు నీ వైపుకు వేస్తుంది.

చెట్టు తన పండు తాను తినదు. నది తన నీరు తాను త్రాగదు. అట్లే సత్పురుషులు చేయు పనులు పరుల కోసమే చేస్తారు.

డబ్బు కాదు — డబ్బు మీద ప్రేమ, మోహం, దురాశ అనార్థాలకు హేతువులు.

యజమానికీ నాయకుడికీ తేడా ఒకటే — 'మీరు చేయండి' అంటాడు యజమాని, 'మనం చేద్దాం' అంటాడు నాయకుడు.

మనకు రెండు రకాల విద్య అవసరం. ఒకటి జీవనోపాధి ఎలా కల్పించుకోవాలో నేర్పాలి, రెండోది ఎలా జీవించాలో నేర్పాలి.

ఆశించి జీవించే వ్యక్తిలో నటన ఉంటుంది. ఆశించకుండా జీవించే వ్యక్తిలో ఆత్మీయత వుంటుంది.

సత్యవంతంగా జీవించే వ్యక్తికి సాధన చేయవలసిన పనిలేదు.

మనీ గురించే గాక మానవత్వం గురించి ఆలోచించండి.

మనిషికి మంచి స్వయంశిక్షణ ఉంటే ఇతరులు అమర్యాదగా ప్రవర్తించినా పట్టించుకోడు.

స్వతంత్రంగా జీవించే అవకాశం ఉండి బానిస భావాలు కలిగిన వ్యక్తి కన్నా స్వతంత్ర భావాలున్న బానిస వెయ్యిరెట్లు మేలు.

ఎంత అరగదీసినా గంధపు చెక్క పరిమళాన్ని కోల్పోదు. ఎన్ని కష్టనష్టాలెదురైనా ధీరుడు ఆత్మవిశ్వాసం కోల్పోడు.

నీ మీద నీకు నమ్మకం పెరుగుతున్నప్పుడు నీ సమర్థత కూడా పెరుగుతుంది.

మనిషి దీపమైనా కావాలి. అద్దమైనా కావాలి. ఒకటి వెలుగునిస్తుంది. మరొకటి దాన్ని ప్రతిబింబిస్తుంది. ప్రతివారూ దీపం కాలేకపోవచ్చు. కాని అద్దం కాగలరు. తనకు తెలిసిన జ్ఞానాన్ని మరొకరికి పంచడమే జీవితం.

విజయం సాధించలేమని ముందుగానే ఒక నిర్ణయానికి వచ్చేవారు ఎన్నడూ ఏ పనీ చేయలేరు.

కాలాన్ని ఏ మాత్రం వృథా చేయకుండా, ఎప్పుడూ ఏదో ఉపయోగపడే పని చేస్తూ వుండాలి.

ఆత్మవిశ్వాసం కలిగిన వ్యక్తి మాత్రమే సరైన ఆరోగ్యవంతుడు.

గెలవాలన్న తపన బలీయంగా ఉన్నచోట ఓటమి అడుగైనా పెట్టలేదు.

విజేత వెనుక ఉండేది అదృష్టమో, మంత్రదండమో కాదు — కఠిన శ్రమ, అంకిత భావం.

ఒక వ్యక్తిని గొప్పవానిగా చేసేవి ధన, కనక, వస్తు, వాహనాలు కావు. అతని వ్యక్తిత్వం.

దురలవాట్లు మొదట్లో సాలె గూళ్ళులాంటివి. తర్వాత అవి ఇనుప గొలుసులై మిమ్మల్ని బంధిస్తాయి.

బాధ్యతగా జీవించడం ముఖ్యం, బాధ్యతతో అందరూ జీవించేలా ప్రయత్నించాలి.

మనసుపెట్టి పనిచేస్తే, ఏ వృత్తిలో, ఏ పనిలోనైనా కలిగే తృప్తే మనిషికి ఆత్మవిశ్వాసం కలిగిస్తుంది. అప్పుడు ఆకలి, నిద్ర అసలు గుర్తుకు రావు.

జీవితంలో వైఫల్యాలు భాగమని గ్రహించేవారు వాటి నుండి గుణపాఠాలు నేర్చుకోవచ్చు.

జీవితంలోని అందం, ఆనందం అతి పెద్ద విషయాలలో కాదు — అతి చిన్న విషయాలలో దాగి వుంది.

సంకల్పబలం వుంటే తలచిన పని సునాయాసంగా పూర్తవుతుంది.

ఎప్పుడూ ఒకరికి ఇవ్వడం నేర్చుకో అంతేకాని తీసుకోవడం కాదు. అలాగే ఇతరులకు సేవ చేయడం నేర్చుకో పెత్తనం చెలాయించడం కాదు.

ఒక మంచి స్నేహితుడ్ని ఎన్ని కష్టాలొచ్చినా నిలుపుకో. ఒక దుర్గుణం కలవాడ్ని ఎంతటి వాడైనా వదులుకో.

ఉన్నత మనస్కుడు ఒకరిని అవమానించడు. అవమానాన్ని సహించడు.

మాటలకు చేతలకు తేడా ఉన్నదంటే మనసులో ఏదో స్వార్థం ఉన్నట్లే

వివేకులు సంతోషంగా జీవిస్తారు. సామాన్యులు సంతోషం కోసం పాకులాడుతారు.

కష్టమైనా సాధించగలననుకునేవాడే అసలైన విజేత.

నువ్వెంత కష్టపడి పనిచేస్తున్నావో చెప్పొద్దు. ఎంతపని పూర్తయిందో చెప్పు

పట్టుదల, సహనం, పవిత్రత అనేవి జీవిత ప్రధాన సూత్రాలు.

పరుల మేలు కోసం చేసిన పని ఎంత చిన్నదైనా అది మనలోని అంతశ్శక్తిని మేలుకొల్పుతుంది. ఇతరులకు కాస్త ఉపకారాన్ని ఊహించటం సైతం హృదయంలో సింహబలాన్ని నెలకొల్పుతుంది.

కష్టమైన కార్యనిర్వహణ ద్వారానే నిజమైన ఆనందం దొరుకుతుంది.

జ్ణానం వంశపారపర్య సంపద కాదు. ఎవరికివారు కష్టపడి ఆర్జించుకోవలసిందే.

ప్రపంచంలో నువ్వొక సాధారణ మనిషివే కావచ్చు. కానీ కనీసం ఒక్కరికైనా నువ్వు ప్రపంచమంత గొప్పగా కనిపించేలా జీవించు.

మానసికంగా శక్తివంతమైన వాళ్ళు ఎలాంటి కష్టాన్నయినా మరుసటి రోజుకల్లా మర్చిపోగలుగుతారు.

మీ అనుమతి లేకుండా మిమ్మల్ని ఎవ్వరూ కించపరచలేరు.

వ్యక్తిగతంగా ఒక మనిషి గురించి తెలుసుకోవడం కన్నా మొత్తం మానవజాతి గురించి తెలుసుకోవడం సులభం.

గొప్ప గుణాలుంటే సరిపోదు, వాటిని వినియోగించుకోగలగాలి.

మనిషిని మహనీయునిగా మార్చేది, మాటలు నెమ్మదిగాను, వనులు ఉత్సాహాంగాను చేసిననాడే.

మనం ఆనందం పొందడం కన్నా, ఇతరులకు ఆనందాన్ని పంచడంలోనే ఎక్కువ ఆనందం లభిస్తుంది.

అందర్నీ సంతృప్తి పరచాలనుకుంటే ఒక్కరి కూడా సంతృప్తి పరచలేము.

ఆత్మవిశ్వాసం వున్న వ్యక్తి ఇతరులను తనవెంట నడిపింపజేసే నాయకుడు అవుతాడు.

ఏ మంచిని, ఏ నమ్మకాన్ని నీవు ఎదుటివారి నుండి ఆశిస్తున్నావో, అవి ముందుగా నీ నుండే ప్రారంభం కావాలి.

మనుషులు రెండు రకాలు — పని చేసే వాళ్ళు, గొప్పలు చెప్పుకునే వాళ్ళు. మొదటి వారితో ఉండటమే సయం, అక్కడ పోటీ తక్కువ.

అంతరాయాలు కలుగుతున్న కొద్దీ సంకల్పాన్ని దృఢం చేసుకుంటూ పోవాలి.

ఏం చేయాలి, ఎలా చేయాలి అని అర్థమయ్యే వరకూ చేస్తూనే ఉండాలి.

మనం ఎంత ప్రశాంతంగా ఉంటే, మన పని అంత ఉత్తమంగా వుంటుంది.

కష్టం ఎరుగని వాడికి సుఖం విలువ తెలియదు.

విజయం సాధించగలమనే విశ్వాసం ఉన్నవారు విజయం సాధించి తీరుతారు. అన్నివేళలా విజయమే అంతిమ లక్ష్యం కాదు. అపజయం మరణమూ కాదు. రెండింటి కంటే ముఖ్యమైంది ధైర్యం.

మనిషి విజయం, ఆర్జించిన డబ్బుబట్టి కాక సాధించిన మనశ్శాంతినిబట్టి ఉంటుంది.

ప్రతి మనిషిలోనూ మంచి చెడులు వుంటాయి. వారిలో చెడును మాత్రమే చూస్తే ముందుకు సాగలేము.

వినయశీలురవద్ద అహంభావం చూపవద్దు, అహంకారులతో వినయంగా ఉండవద్దు.

దుష్టులకు దూరంగా ఉండాలి. కానీ వారితో విరోధంగా ఉండకూడదు.

అజ్ఞానం అహంకారానికి దారి తీస్తుంది. అహంకారం తీవ్ర అజ్ఞానానికి దారి తీస్తుంది.

చేయకుండా చేసామనేవాడు అధముడు. కొద్దిగా చేసి కొండంత చేసానని చెప్పేవాడు గర్విష్టి ఎంతో చేసి కొంచెమే చేసానని చెప్పేవాడు సజ్జనుడు.

మనిషి సాధించిన విజయాలు సమాజానికి ఉపయోగపడితేనే అవి నిజమైన విజయాలు.

స్వేచ్ఛగా జీవించే వ్యక్తి తన చుట్టూ గొప్ప వ్యక్తులను సృష్టించుకుంటాడు.

ఒక ఊరు బాగుపడాలంటే ఒక మంచి మనిషి పూనుకోవలసి వుంటుంది.

పరిస్థితులెప్పుడూ అనుకూలంగా ఉండాలని ఆశించవద్దు. ఈ ప్రపంచం నీ వొక్కడి కొరకే ఏర్పడలేదు.

ఏదో జరగాలని ఎదురుచూస్తూ కూర్చుంటే ఓటమి తథ్యం. ఏదిచేయాలో నిర్ణయించుకుని ముందుకు సాగితే గెలుపు సాధ్యం.

వ్యక్తి మారితేనే వ్యవస్థ మారుతుంది. వ్యక్తులు మారకుండా వ్యవస్థను మార్చలేం.

మంచి పని చేయడానికి డబ్బుకన్నా దృఢ సంకల్పం మరింత అవసరం.

కనిపించేదాన్ని చూడటానికి కళ్లు చాలు, కనిపించనిదాన్ని చూడటానికి వివేకం కావాలి.

నిరంతరం ఏదో ఒక పనిలో నిమగ్నమయ్యేవారికి నిరాశ అనేది కలగదు.

ఎక్కడ నిస్వార్థత ఎంత ఎక్కువగా ఉంటుందో అక్కడ విజయం అంత ఎక్కువగా ఉంటుంది.

ఏమీ చేయకుండా ఉండటం కన్నా సమాజానికి మేలు చేసే పనిని చేయడం ఉత్తమం.

అన్నదానం ఆకలిని తీర్చగలుగుతుంది. అక్షరదానం అజ్ఞానాన్ని తొలగించ గలుతుంది.

జ్ఞానం పెరిగే కొద్దీ తన అజ్ఞానం ఎంతో తెలిసి వస్తూంటుంది.

ఒక మాట మాట్లాడేటప్పుడు అవసరమైన దానికంటే ఎక్కువ మాట్లాడకూడదు.

ఒక మంచి పుస్తకం మన దృక్పథాన్ని ఖచ్చితంగా ప్రభావితం చేస్తుంది.

పుస్తకాలూ, స్నేహితులూ కొద్దిగా ఉన్నా మేలైనవిగా ఉండాలి.

అవినీతిపరుడైన బంధువు కన్న, నిజాయితీ పరుడైన శత్రువు మిన్న.

కోరికలతో జీవించే వ్యక్తికి సేవాభావం ఉండదు. సేవాభావంతో జీవించే వ్యక్తికి కోరికలు ఉండవు.

మన మంచిని ఇతరులు చెప్పుకోవడం ఘనత. మనమే చెప్పుకోవడం పొగడ్త.

సహనం గల మనిషి తను అనుకున్న వాటినల్లా సాధించుకోగలిగే అద్భుతమైన సంకల్ప శక్తి కలిగి ఉంటాడు.

అసంతృప్తికి మూలకారణం ఇతరులతో పోల్చుకొనడమే.

పండితుడంటే విషయం తెలిసినవాడు. జ్ఞాని అంటే తెలుసుకున్న విషయాన్ని ఆచరణలో పెట్టేవాడు.

స్వర్గాన్ని నరకంగా చేసేది, నరకాన్ని స్వర్గంగా చేసేది మన మనస్సే.

ప్రపంచంలోని మేధావులందరికన్నా, ఒక మంచి సహృదయంగల వ్యక్తి ఎంతో గొప్పవాడు.

పనిచేసే తత్వమూ, పనిపట్ల విశ్వాసమూ విజయానికి మూలకారణాలు.

నిరంతరం వెలిగే సూర్యుణ్ణి చూసి చీకటి పారిపోతుంది. నిర్విరామంగా శ్రమించే వ్యక్తిని చూసి ఓటమి భయపడుతుంది.

శ్రద్ధ, నిజాయితీ, విధేయత, సత్యాన్వేషణ, కష్టపడి పనిచేసే గుణం విజయానికి సోపానాలు.

జీవితాన్ని ప్రేమించేవారు, సమయాన్ని వృథా చేయరు.

చెప్పిన వేళకు రానివాడు, కాలం విలువ తెలియనివాడు. అతడు నిజాయితీ పరుడంటే నమ్మవద్దు.

తప్పు చేసారని ప్రతి ఒక్కరినీ ద్వేషిస్తూ పోతే ప్రేమించడానికి ఎవరూ మిగలరు.

విజయం సాధించాలనే మీ సంకల్పమే అన్నింటికంటే ముఖ్యమని అనుక్షణం గుర్తు చేసుకోండి.

జీవితం ఒక అపూర్వ వరం. దాన్ని చరితార్థం చేసుకోవాలి.

ఈ ప్రపంచమంతా నీకు దూరంగా వెళ్ళినపుడు నీకు దగ్గరగా వచ్చేవాడే నిజమైన స్నేహితుడు.

ప్రేమ గొప్పదే కాని స్నేహం అంతకంటే గొప్పది. స్నేహం ఆనందాన్ని పెంచుతుంది: విచారాన్ని పంచుకుంటుంది.

సాధారణ వ్యక్తులుగా కన్పించినంత మాత్రాన గొప్పవారు సాధారణ వ్యక్తులుకారు.

గతం నుంచి ఏమీ నేర్చుకోనివాడు భవిష్యత్తులో కష్టపడతాడు.

ఆకు చివర నీటి బిందువులా కాలం అంచుల్లో నీ జీవితాన్ని నృత్యం చేయించు.

మనిషి వ్యక్తిత్వం అతని హోదానిబట్టి కాక ప్రవర్తనను బట్టి తెలుస్తుంది.

ఉత్తముడు చేతల్లో చురుగ్గావుంటాడు. అధముడు మాటల్లో చురుగ్గా వుంటాడు.

తనకు లేని వాటి కోసం విచారించక, తనకు వున్న వాటికి సంతోషించే వ్యక్తి తెలివైన వాడు.

బుద్ధిమంతుడైన వాడు ముందు తనలోని అవగుణాలను గుర్తించి సరిదిద్దు కుంటాడు. ఆ తరువాత ఎదుటివారి సద్గుణాలను గుర్తించి స్వంతం చేసుకుంటాడు.

సుదూరంలో అస్పష్టంగా కన్పించేదానికన్నా, మిన్నగా సమీపంలో స్పష్టంగా కనిపించేది మన లక్ష్యం కావాలి.

నీతిని బోధించడానికి అర్హతలేనివాళ్లు నీతి సూక్తులు చెప్పడం ప్రారంభిస్తే, ప్రజలకు ఆ వ్యక్తుల మీదే కాక అసలు నీతిమీదే నిరసన భావం ఏర్పడే ప్రమాదం ఉంది.

ఒక్కసారి ఆత్మపరిశీలన చేసుకుంటే కలిగే జ్ఞానం జీవితం మొత్తం మీద గడించిన అనుభవ పాఠంతో సమానం.

ఎప్పుడూ ఒప్పుకోకు ఓటమిని, ఎప్పుడూ వదులుకోకు ఓర్హుని.

పనితనం లేనివాడు పనిముట్లను నిందించకూడదు.

ఒక దురభ్యాసానికి అయ్యే ఖర్చుతో ఒక బిడ్డను పెంచి పోషించవచ్చు.

సంతృప్తిగలవాడు మట్టిని ముట్టినా బంగారమవుతుంది.

ఒక లక్ష్యంతో కృషి చేసిన వ్యక్తి నేడు కాక పోయినా, రేపైనా విజయం సాధిస్తాడు.

ఏదైనా పని చేయడానికి బద్ధకిస్తే ఆ పనిని పదిసార్లు తిరిగి చేయాల్సి వస్తుంది.

బలహీనుడు ఎప్పటికీ క్షమించలేడు. క్షమా గుణం బలవంతుల లక్షణం.

ఎలా నిరీక్షించాలో తెలియడం విజయసాధనకు గొప్ప రహస్యం.

గొప్ప వ్యక్తి శీలానికి, సత్ప్రవర్తనకు, క్రమశిక్షణకు ప్రాధాన్యతనిస్తాడు.

జీవితం బరువు బాధ్యతలను ఆనందంతో వహించడం నేర్చుకోవాలి. ఇబ్బందులు ఎదురైనపుడు ధైర్యంగా పోరాడి విజయం సాధించాలి.

వికాసమే జీవనం, సంకోచమే మరణం. ప్రేమే జీవనం, ద్వేషమే మరణం.

గొప్ప లక్ష్యాన్ని సాధించాలని ప్రయత్నించి విఫలం కావడం నేరం కాదు, గొప్ప లక్ష్యం లేకపోవడం నేరం.

నీటిబిందువు కాలుతున్న పెనంమీద పడితే రూపురేఖలు లేకుండా ఆవిరవుతుంది. తామరాకు మీద పడితే అంటీ అంటకుండా వుంటుంది. ముత్యపు చిప్పలో పడితే ముత్యమై మెరుస్తుంది. అలాగే, మనిషి నీచుడి నీడ చేరితే నశిస్తాడు. మధ్యముడి వెంట ఉంటే ఆ మాత్రపు ప్రతిష్ఠనే పొందుతాడు. ఉత్తముడిని ఆశ్రయిస్తే ఉజ్వలంగా వెలుగుతాడు.

ఆశావాది గులాబీని చూస్తే, నిరాశావాది దాని కింద ముల్లును చూస్తాడు.

వేలకొద్దీ నీతులు బోధించే బదులు ఒక్క మంచి పనిచేసి చూపించడం మేలు.

మంచితనానికి అసలైన, నిదర్శనాలేవంటే ఇతరుల తప్పులను క్షమించడం, మరచిపోవడం.

ఆశయాల కోసం జీవించాలి కానీ ఆశల కోసం కాదు.

మంచి ఎక్కడ వున్నా పరిగ్రహించు. చెడు ఎక్కడ ఉన్నా పరిత్యజించు.

నీ తప్పుల్ని ఇంకొకరు ప్రచారం చేయాల్సిన అవసరం లేదు.

ఎవరైతే ఎల్లప్పుడూ నిజాన్నే మాట్లాడతారో వారి చెంత భగవంతుడు ఉంటాడు.

కార్యసాధకులైనవారు శరీరసుఖాలకోసం పాకులాడరు. కష్టసుఖాలను లక్ష్యపెట్టరు.

ప్రపంచంలో అత్యంత కష్టమైన పనులు మూడే మూడు — రహస్యాన్ని కాపాడడం, అవమానాన్ని మరచిపోవడం, సమయాన్ని, సద్వినియోగం చేయడం.

నీ భయం నీ దగ్గరే ఉంచుకో, నీ ధైర్యాన్ని మాత్రం పదిమందికీ పంచు.

ఒక గొప్పవాని గొప్పతనం, అతడు తనకంటే తక్కువ వారితో వ్యవహరించే తీరును బట్టి తెలుస్తుంది.