వైద్యుడిని సంప్రదించినప్పుడు వారు రాసిచ్చే ప్రిస్క్రిప్షన్‌పై మందుల పేర్లతో పాటు కొన్ని సంక్షిప్త పదాలు (Abbreviations) కనిపిస్తాయి. వీటిని చూసి చాలా మంది అయోమయానికి గురవుతుంటారు. సాధారణంగా వైద్య పరిభాషలో లాటిన్, గ్రీకు రోమన్ పదాలను ఎక్కువగా వాడుతుంటారు. ఈ సంక్షిప్త పదాల వెనుక రోగి ప్రస్తుత పరిస్థితి, గత చరిత్ర భవిష్యత్ చికిత్సా విధానాలకు సంబంధించిన పూర్తి సమాచారం దాగి ఉంటుంది. Rx, Dx, Tx వంటి పదాల అర్థం తెలుసుకోవడం వల్ల మీ అనారోగ్యంపై మీకు పూర్తి అవగాహన లభిస్తుంది. జీవితాంతం ఉపయోగపడే ఈ వైద్య సంకేతాల రహస్యాలు వివరంగా తెలుసుకోండి.