నేటి డిజిటల్ యుగంలో సోషల్ మీడియా ప్లాట్‌ఫారమ్‌లు వినోదానికి కేరాఫ్ అడ్రస్‌గా మారాయి. ఇక్కడ రోజూ ఎన్నో రకాల వింతలు, విశేషాలు, స్టంట్ వీడియోలు వైరల్ అవుతూ నెటిజన్లను ఆశ్చర్యపరుస్తుంటాయి. తాజాగా ఇంటర్నెట్‌లో ఒక బాబాకు సంబంధించిన బైక్ స్టంట్ వీడియో తెగ హల్చల్ చేస్తోంది. సాధారణంగా యువకులు బైక్‌లపై విన్యాసాలు చేయడం చూస్తుంటాం. కానీ, కాషాయ వస్త్రాలు ధరించిన ఒక వృద్ధ సాధువు రద్దీగా ఉండే రహదారిపై చేసిన బైక్ స్టంట్ చూసి ప్రతి ఒక్కరూ నోరెళ్లబెడుతున్నారు.