హైదరాబాద్: అబద్దాలను ప్రచారం చేయడం మానుకోవాలని నటి మౌనీరాయ్ తెలిపారు. తన భర్త సూరజ్ నంబియార్ తో తాను విడిపోతున్నట్టు వస్తున్న వార్తలపై ఆమె ఘాటుగా స్పందించారు. తన వ్యక్తిగత గోప్యతకు భంగం కలిగించొద్దని కోరారు. 2022లో నంబియార్ ను మౌనీరాయ్ పెళ్లి చేసుకుంది. ఇన్ స్టా గ్రామ్ లో ఒకరినొకరు అన్ ఫాలో కావడంతో ఇద్దరు విడిపోతున్నారని నెటిజన్లు కామెంట్ల చేయడంతో ఈ న్యూస్ వైరల్ గా మారింది. గత కొంత కాలం నుంచి భర్తతో కలిసి ఉన్న ఫొటోలను కూడా ఆమె పోస్టు చేయలేదు. ఇన్ స్టాలో వివాహానికి సంబంధించిన ఫొటోలు లేకపోవడంతో ఈ న్యూస్ వైరల్ గా మారినట్టు సమాచారం. మౌనీరాయ్ తన ఇన్ స్టా అకౌంట్ డిలీట్ చేసినట్టు తెలుస్తోంది. కెజిఎఫ్ చాప్టర్ 1, వేదా(హిందీ), గోల్డ్, బ్రహ్మాస్త్ర సినిమాలో నటించి ప్రేక్షకులను మెప్పించారు. బుల్లితెరలో నాగిని సీరియల్ లో కూడా నటించారు.
