Elon Musk, Sam Altman మధ్య కొనసాగుతున్న న్యాయపోరాటం ఇప్పుడు AI గోప్యతపై పెద్ద చర్చకు దారితీసింది. AI చాట్స్, డిజిటల్ డైరీలు, వ్యక్తిగత ఆన్లైన్ రికార్డులు కోర్టులో ఆధారాలుగా ఉపయోగించవచ్చా అనే ప్రశ్నలు ముందుకు వస్తున్నాయి.
ఈ కేసులో Greg Brockman వ్యక్తిగత డిజిటల్ డైరీ కీలక ఆధారంగా మారింది. OpenAI ప్రారంభ దశలో జరిగిన అంతర్గత చర్చలు, విభేదాలు, లాభాపేక్ష సంస్థగా మారే ప్రణాళికల వివరాలు అందులో ఉన్నట్లు సమాచారం. OpenAI తన అసలు లాభాపేక్షలేని లక్ష్యాలను వదిలేసిందని మస్క్ వర్గం ఆరోపిస్తోంది.
అయితే ఈ ఆరోపణలను OpenAI ఖండిస్తోంది. సంస్థ పునర్వ్యవస్థీకరణపై చర్చలు ముందే మస్క్కు తెలుసని చెబుతోంది.
ఈ కేసు ఇప్పుడు AI గోప్యత, డిజిటల్ విశ్వసనీయత, వ్యక్తిగత ఆన్లైన్ రికార్డుల భవిష్యత్తుపై ప్రపంచవ్యాప్తంగా చర్చకు కారణమవుతోంది.
