అత్యవసర పరిస్థితుల్లో అంబులెన్స్ చేరుకునేలోపే.. మొదటి కొన్ని నిమిషాలు ప్రాణాలను నిర్ణయిస్తాయి. గుండె ఆగడం, తీవ్రమైన రక్తస్రావం, స్ట్రోక్ వంటి సందర్భాల్లో పక్కనే ఉన్నవారి స్పందనే కీలకం. సీపీఆర్ చేయడం, రక్తస్రావాన్ని ఆపడం, స్పృహ లేని వ్యక్తిని రికవరీ పొజిషన్‌లో ఉంచడం, గొంతులో ఇరుక్కుపోయినప్పుడు చర్యలు తీసుకోవడం, స్ట్రోక్ లక్షణాలను గుర్తించడం వంటి ప్రాథమిక చర్యలు ప్రాణాలను కాపాడగలవని నిపుణులు సూచిస్తున్నారు.