ఈ ద్వీపవాసుల రోజువారీ ప్రయాణం ఎంతో ఆసక్తికరంగా సాగుతుంది. ఉదయాన్నే అలారాలు పెట్టుకుని పరుగులెత్తే అలవాటు వారికి అస్సలు లేదు. నిద్ర లేవగానే నిదానంగా కాఫీ తాగుతూ కుటుంబంతో కబుర్లు చెప్పుకుంటారు. అక్కడ వ్యాపారస్తులు కూడా తమ ఇష్టానుసారం షాపులు తెరుస్తారు, కస్టమర్లు కూడా వేచి ఉండటానికి ఏమాత్రం ఇబ్బంది పడరు. ఇలాంటి ధోరణి వల్ల వారిలో ఒత్తిడి కలిగించే ‘కార్టిసాల్’ హార్మోన్ చాలా తక్కువగా ఉంటుందని పరిశోధనల్లో తేలింది. హడావుడి లేని ఈ ప్రశాంతత వారి గుండెను పదిలంగా ఉంచుతోంది. మధ్యాహ్నం వేళ కనీసం 30 నిమిషాల పాటు కునుకు తీయడం వీరి దైనందిన జీవితంలో ఒక భాగం.