వెనెజువెలా మరియు జపాన్ దేశాల్లో భారీ భూకంపాలు సంభవించి తీవ్ర కలకలం రేపాయి. వెనెజువెలాలో నిమిషాల వ్యవధిలోనే రెండు శక్తివంతమైన భూకంపాలు నమోదు కావడం ఆందోళన కలిగించింది.
అధికారుల సమాచారం ప్రకారం, వెనెజువెలాలో ఒక భూకంపం 7.1 తీవ్రతతో, మరొకటి 7.5 తీవ్రతతో నమోదైంది. ఈ ప్రకంపనల కారణంగా రాజధాని కరాకస్తో పాటు పలు ప్రాంతాల్లో భవనాలు కూలిపోయినట్లు సమాచారం. ప్రజలు భయాందోళనతో ఇళ్ల నుంచి బయటకు పరుగులు తీశారు.
భూకంప ప్రభావం కారణంగా ప్యూర్టోరికో, వర్జిన్ దీవులకు సునామీ హెచ్చరికలు జారీ చేయబడ్డాయి. అధికారులు తీర ప్రాంత ప్రజలను అప్రమత్తంగా ఉండాలని సూచించారు.
ఇక జపాన్లోనూ 6.9 తీవ్రతతో భూకంపం సంభవించింది. ఈ భూకంపం కారణంగా రైలు సర్వీసులు తాత్కాలికంగా నిలిపివేయబడినట్లు రవాణా శాఖ అధికారులు తెలిపారు. పరిస్థితిని పరిశీలిస్తున్నామని, అవసరమైన సహాయక చర్యలు కొనసాగుతున్నాయని అధికారులు వెల్లడించారు.
భూకంపాల నేపథ్యంలో రెండు దేశాల్లోనూ అత్యవసర సేవలు అప్రమత్తమయ్యాయి.
