ప్రపంచ వేదికపై భారత్ ప్రభావం మరింత పెరుగుతోంది. జూన్ 16, 17 తేదీల్లో ఫ్రాన్స్లోని ఎవియన్లో జరగనున్న జీ7 సమ్మిట్లో ప్రధాని నరేంద్ర మోదీ పాల్గొననున్నారు.
ఈ సమావేశంలో ప్రపంచ ఆర్థిక వృద్ధి, అంతర్జాతీయ సహకారం, కృత్రిమ మేధస్సు (AI) భవిష్యత్తు వంటి కీలక అంశాలపై చర్చలు జరగనున్నాయి. జీ7 దేశాల నేతలు, భాగస్వామ్య దేశాలు, అంతర్జాతీయ సంస్థల ప్రతినిధులతో మోదీ సమావేశం కానున్నారు.
అమెరికా అధ్యక్షుడు డొనాల్డ్ ట్రంప్తో కూడా ప్రత్యేక భేటీ జరిగే అవకాశం ఉందని రాజకీయ వర్గాలు చెబుతున్నాయి.
ప్రపంచంలో వేగంగా అభివృద్ధి చెందుతున్న ప్రధాన ఆర్థిక వ్యవస్థగా భారత్ ఎదుగుతుండటంతో ఫ్రాన్స్ ప్రత్యేకంగా ఆహ్వానించింది. సరఫరా గొలుసులు, ఇంధన భద్రత, ఏఐ, వాతావరణ మార్పులు వంటి అంశాల్లో భారత్ పాత్ర కీలకంగా మారింది.
జీ7లో శాశ్వత సభ్యత్వం లేకపోయినా, 2019 నుంచి ప్రతి ఏడాది భారత్కు ఆహ్వానం అందుతోంది. ప్రపంచ ఆర్థిక, సాంకేతిక, భద్రతా చర్చల్లో భారత్ ఇప్పుడు అనివార్య శక్తిగా మారిందని విశ్లేషకులు చెబుతున్నారు.
