టెక్నాలజీ అనేది అభివృద్ధికి తోడ్పడాలి కానీ అలవాటుగా మారకూడదు. పిల్లల భవిష్యత్తును దృష్టిలో ఉంచుకుని, వారికి డిజిటల్ పరికరాల కంటే మైదానాల్లో ఆటలు, పుస్తకాలతో స్నేహాన్ని పెంచాల్సిన బాధ్యత తల్లిదండ్రులపై ఉంది. స్క్రీన్ టైమ్ సమస్య తన వ్యక్తిగత జీవితంలో కూడా ఎదురవుతోందని కామత్ వివరించారు. తన కుమారుడు కియాన్ చదువుతున్న స్కూల్లో డిజిటల్ పరికరాలకు అనుమతి లేదని, ఇంట్లో కూడా కేవలం 30 నిమిషాలు మాత్రమే స్క్రీన్ టైమ్ ఇస్తామని చెప్పారు. అయినప్పటికీ, పిల్లలు షార్ట్ వీడియోలు, రీల్స్‌కు ఎంత త్వరగా ఆకర్షితులవుతున్నారో చూసి తాను ఆశ్చర్యపోతున్నానని వెల్లడించారు.