దర్శకేంద్రుడు కె. రాఘవేంద్ర రావు తెలుగు సినీ పరిశ్రమలో తనదైన ముద్ర వేశారు. ఎన్నో అద్భుతమైన చిత్రాలను తెరకెక్కించారు. చాలా కాలంగా ఆయన సినిమాలకు దూరంగా ఉంటున్న సంగతి తెలిసిందే. ఇటీవల ఓ ఇంటర్వ్యూలో తన సినీ ప్రస్థానం, ప్రత్యేకమైన దర్శకత్వ శైలిని పంచుకున్నారు. లేడీ ఓరియెంటెడ్ చిత్రాల నుండి అడవిరాముడు వంటి మాస్ చిత్రాల వరకు తన ప్రయాణాన్ని వివరించారు. ఎన్టీఆర్, చిరంజీవి, శ్రీదేవి వంటి తారలతో తన అనుబంధం గుర్తుచేసుకున్నారు.