పార్లమెంట్ వర్షాకాల సమావేశాలు ఈ నెల 20 నుంచి ప్రారంభం కానున్నాయి. ఆగస్టు 13 వరకు కొనసాగే ఈ సమావేశాలకు కేంద్ర ప్రభుత్వ సిఫారసు మేరకు రాష్ట్రపతి ద్రౌపది ముర్ము ఆమోదం తెలిపారు.
ఈ విషయాన్ని కేంద్ర పార్లమెంటరీ వ్యవహారాల మంత్రి కిరెన్ రిజిజు వెల్లడించారు. వర్షాకాల సమావేశాల్లో దేశానికి సంబంధించిన కీలక అంశాలపై అర్థవంతమైన చర్చలు, నిర్ణయాలు తీసుకునేందుకు ప్రభుత్వం సిద్ధంగా ఉందని ఆయన తెలిపారు.
ఈ సమావేశాల్లో కేంద్ర ప్రభుత్వం పలు కీలక బిల్లులను ప్రవేశపెట్టే అవకాశం ఉన్నట్లు తెలుస్తోంది. అలాగే వివిధ జాతీయ అంశాలు, ప్రజా సమస్యలు, ప్రభుత్వ విధానాలపై అధికార, ప్రతిపక్ష సభ్యుల మధ్య విస్తృత చర్చలు జరిగే అవకాశముంది.
వర్షాకాల సమావేశాల నేపథ్యంలో పార్లమెంటరీ స్థాయి సంఘాలు ఇప్పటికే తమ సమావేశాలను నిర్వహించడం ప్రారంభించాయి. దీంతో రానున్న సత్రం రాజకీయంగా కీలకంగా మారే అవకాశాలు కనిపిస్తున్నాయి.
