అమెరికాలోని ఫ్లోరిడా రాష్ట్రం టాంపా నగరంలో సంచలన పరిణామం చోటుచేసుకుంది. టాంపా బే ప్రాంతంలో మానవ అవశేషాలు బయటపడటంతో కలకలం రేగింది. ఈ అవశేషాలు కనిపించకుండా పోయిన పీహెచ్డీ విద్యార్థిని నాహిదా బ్రిస్టీకి సంబంధించినవిగా అనుమానిస్తున్నారు.
ఏప్రిల్ 2026లో నాహిదా బ్రిస్టీ మరియు మరో విద్యార్థి జామిల్ లిమోన్ అదృశ్యమయ్యారు. తరువాత లిమోన్ మృతదేహం హోవర్డ్ ఫ్రాంక్లాండ్ బ్రిడ్జ్ సమీపంలో లభించింది. ఈ కేసులో కీలక మలుపుగా, వారి రూమ్మేట్ను పోలీసులు అరెస్ట్ చేసి, ఫస్ట్ డిగ్రీ మర్డర్ కేసు నమోదు చేశారు.
కోర్టు పత్రాల ప్రకారం, నిందితుడు శరీరాన్ని ఎలా తొలగించాలనే విషయంపై ఆన్లైన్లో శోధించినట్లు సమాచారం. తాజా గా లభించిన మానవ అవశేషాల గుర్తింపు ప్రక్రియ కొనసాగుతోంది.
ఈ ఘటన అమెరికాలోనే కాకుండా అంతర్జాతీయ విద్యార్థులలో, ముఖ్యంగా దక్షిణాసియా సమాజంలో ఆందోళన కలిగిస్తోంది. పోలీసులు దర్యాప్తును మరింత వేగవంతం చేశారు.
