ఐపీఎల్ 19వ సీజన్లో సన్రైజర్స్ హైదరాబాద్ జట్టు ప్లేఆఫ్స్ వరకు వెళ్లినా, ఎలిమినేటర్లో రాజస్థాన్ రాయల్స్ చేతిలో ఓడి టోర్నమెంట్కు వీడ్కోలు పలికింది. ఈ నేపథ్యంలో ఇంగ్లండ్ ఆల్రౌండర్ లియామ్ లివింగ్స్టోన్ చేసిన వ్యాఖ్యలు చర్చనీయాంశంగా మారాయి.
స్టిక్ టు క్రికెట్ పాడ్కాస్ట్లో మాట్లాడుతూ.. తాను తుది జట్టులో చోటు దక్కించుకోలేకపోవడానికి జట్టు యాజమాన్యం వైఖరే కారణమని పరోక్షంగా ఆరోపించాడు. వేలంలో భారీ మొత్తంతో తీసుకున్న ఓ యువ ఆటగాడిని యజమానులు ప్రత్యేకంగా ప్రోత్సహించారని, అతడు జట్టులో ఉండటంతో తనకు అవకాశం రాదని కోచ్ ముందుగానే చెప్పారని వెల్లడించాడు. లివింగ్స్టోన్ ప్రస్తావించిన ఆటగాడు 23 ఏళ్ల సలీల్ అరోరా అని తెలుస్తోంది. ఈ వ్యాఖ్యలపై ఎస్ఆర్హెచ్ యాజమాన్యం ఎలా స్పందిస్తుందన్నది ఇప్పుడు ఆసక్తికరంగా మారింది.
