భారత స్టార్ షట్లర్ PV Sindhu రాయల్ ఛాలెంజర్స్ బెంగళూరు (RCB) ఐపీఎల్ టైటిల్ విజయాన్ని పురస్కరించుకుని అభిమానులకు ప్రత్యేక శుభాకాంక్షలు తెలిపారు. సోషల్ మీడియాలో సరదాగా స్పందించిన సింధు, “నేను బెంగళూరుకు వచ్చిన తర్వాతే RCB ప్రతి సంవత్సరం ట్రోఫీ గెలుస్తోంది. నేను లక్కీ చార్మ్నని చెప్పడం లేదు కానీ లెక్కలు వేసుకోండి” అంటూ అభిమానులను ఆకట్టుకున్నారు.
RCB జట్టు, ఆటగాళ్లు, కోచింగ్ సిబ్బంది, యాజమాన్యం మరియు అభిమానులకు అభినందనలు తెలిపిన సింధు, ఈ ఫ్రాంచైజీ ఎన్నో సంవత్సరాలుగా భావోద్వేగాలు, నిరాశలు, ఆశలు, అభిమానంతో ప్రయాణించిందని పేర్కొన్నారు. ఇప్పుడు వరుసగా ఛాంపియన్గా నిలవడం ఎంతో ప్రత్యేకమని అన్నారు.
అలాగే తన స్నేహితురాలు Ananya Birla మరియు ఆమె కుటుంబానికి కూడా ప్రత్యేక అభినందనలు తెలిపారు. యాజమాన్య బృందంలో చేరిన వెంటనే జట్టు ఛాంపియన్గా నిలవడం గొప్ప విషయమని ప్రశంసించారు.
హైదరాబాద్కు చెందిన సింధు, ఈ సీజన్లో Sunrisers Hyderabad మరియు Royal Challengers Bengaluru మధ్య ఫైనల్ జరిగి ఉంటే మరింత ఆసక్తికరంగా ఉండేదని వ్యాఖ్యానించారు. “SRH vs RCB ఫైనల్ అయితే అభిమానులందరికీ మరపురాని అనుభవంగా ఉండేది” అని పేర్కొన్నారు.
