ఈ ఏడాది జపాన్ వేదికగా జరగనున్న ప్రతిష్ఠాత్మక ఆసియా క్రీడల కోసం భారత క్రికెట్ నియంత్రణ మండలి (బీసీసీఐ) కీలక నిర్ణయం తీసుకుంది. ఐపీఎల్లో తన విధ్వంసకర బ్యాటింగ్తో అందరి దృష్టిని ఆకర్షించిన యువ సంచలనం వైభవ్ సూర్యవంశీకి భారత జట్టులో చోటు కల్పించింది. సెప్టెంబర్ 19 నుంచి అక్టోబర్ 4 వరకు జరిగే ఆసియా గేమ్స్ కోసం ఇండియన్ ఒలింపిక్ అసోసియేషన్కు పంపిన 30 మంది ప్రాబబుల్స్ జాబితాలో వైభవ్ పేరు ఉండటం విశేషం.
ఇటీవలి ఐపీఎల్ సీజన్లో అద్భుత ప్రదర్శనతో సెలక్టర్లను మెప్పించిన ఈ యువ లెఫ్ట్ హ్యాండ్ బ్యాటర్కు అంతర్జాతీయ వేదికపై తన ప్రతిభను నిరూపించుకునే అవకాశం లభించింది. అయితే ఈ జాబితాలో సీనియర్ ఆటగాళ్లు సూర్యకుమార్ యాదవ్, శుభ్మన్ గిల్ పేర్లు లేకపోవడం క్రికెట్ వర్గాల్లో చర్చనీయాంశంగా మారింది.
యువ ఆటగాళ్లకు ప్రాధాన్యత ఇస్తూ భవిష్యత్ జట్టును తీర్చిదిద్దే దిశగా బీసీసీఐ అడుగులు వేస్తోందనే అభిప్రాయం వ్యక్తమవుతోంది. ఆసియా గేమ్స్లో వైభవ్ సూర్యవంశీ ప్రదర్శనపై ఇప్పుడు అభిమానుల్లో భారీ అంచనాలు నెలకొన్నాయి.
