చెన్నై: చదివించి వైద్యుడిని చేసినందుకు అక్క కూతురుకు మేనమామ అశ్లీల ఫొటోలు, అసభ్యకర మెసేజ్లు పంపిన సంఘటన తమిళనాడు రాష్ట్రం తేనాంపెట్టై ప్రాంతంలో జరిగింది. పోలీసులు తెలిపిన వివరాల ప్రకారం.... చెల్లవేల్ అనే యువకుడు వైద్య విద్య చదివేందుకు అతడి సోదరి ఐదు లక్షల రూపాయలు వరకు ఖర్చు చేసింది. వైద్యుడైన తరువాత తన కూతురును పెళ్లి చేసుకుంటానని నమ్మించాడని, ఇప్పుడు ఐదు లక్షల రూపాయలు తీసుకొని ముఖం చాటేశాడని పేర్కొంది. తంజావూర్ జిల్లా మరుంకుళం ప్రాంతంలో ఓ ఆస్పత్రిలో వైద్యుడిగా అతడు సేవలందిస్తున్నాడు. తన కూతురు సెల్ఫోన్కు అశ్లీల ఫొటోలు, అసభ్యకర సందేశాలు పంపుతున్నాడని స్థానిక పోలీస్ స్టేషన్లో చెల్లవేల్ అక్క అతడిపై ఫిర్యాదు చేసింది. పోలీసులు కేసు నమోదు చేసి అతడిని అరెస్టు చేసి రిమాండ్కు తరలించారు. గతంలో కూడా అతడిపై క్రిమినల్ కేసు ఉన్నట్టు సమాచారం.
