బెంగళూరు: ప్రియుడు మోసం చేస్తాడనే అనుమానంతో ప్రేమ పేరుతో అతడిని కూర్చికి కట్టేసి పెట్రోల్ పోసి దహనం చేసింది. ఈ సంఘటన కర్నాటక రాష్ట్రం బెంగళూరులోని బైదరహళ్లి ప్రాంతంలో జరిగింది. పోలీసులు తెలిపిన వివరాల ప్రకారం... అంజనానగర్ లో ఓ యువతి తన కుటుంబ సభ్యులతో కలిసి ఉంటుంది. తుమకూరుకు చెందిన కిరణ్ పరిచయం కావడంతో అతడితో ప్రేమలో పడింది. ఇద్దరు గాఢంగా ప్రేమించుకున్నారు. గత కొంతకాలంగా యువతిని యువకుడు పట్టించుకోకపోవడంతో అనుమానం పెంచుకుంది. కిరణ్ తనని పెళ్లి చేసుకోడేమోనని అనుమానం కలిగింది. ఇంట్లో ఎవరు లేని సమయంలో ప్రియుడిని ఇంటికి రప్పించింది. ప్రియుడితో సరసాలు జరిపిన తరువాత వినూత్నంగా ప్రేమను తెలియజేస్తానని అతడిని కళ్లకు గంతలు కట్టి కూర్చీకి కట్టేసింది. అనంతరం అతడిపై పెట్రోల్ పోసి తగలబెట్టింది. స్థానికుల సమాచారం మేరకు పోలీసులు అక్కడికి చేరుకునేసరికి కూర్చీలో కిరణ్ సజీవదహనమయ్యాడు. తాను బాత్రూమ్ లో ఉన్నప్పుడు కిరణ్ కూర్చీలో కాలిపోయాడని నాటకం మాడింది. పోలీసులు యువతిని అదుపులోకి తీసుకొని తనదైన శైలిలో ప్రశ్నించడంతో నిజాలు ఒప్పుకుంది. వెంటనే ఆమెను అరెస్టు చేసి రిమాండ్ కు తరలించారు.
