ముగెన్ రావ్, ప్రీతి అస్రాని, తాన్యా హోప్ ప్రధాన పాత్రల్లో నటిస్తున్న సినిమా నిరమ్. ఈ చిత్రాన్ని కె. స్క్వేర్ సినిమాస్ సమర్పణలో యూనిట్ ఆఫ్ కె స్క్వేర్ వెంచర్స్ బ్యానర్ పై కె. బిందుమాధవి నిర్మిస్తున్నారు. సరికొత్త ఇన్వెస్టిగేటివ్ క్రైమ్ థ్రిల్లర్ మూవీగా దర్శకుడు బలరామ్ కృష్ణ రూపొందిస్తున్న ఈ సినిమా త్వరలో గ్రాండ్ థియేట్రికల్ రిలీజ్ కు రెడీ అవుతోంది. శుక్రవారం ‘నిరమ్’ సినిమా తెలుగు ట్రైలర్, ఆడియో లాంచ్ ఈవెంట్ ను హైదరాబాద్ లో ఘనంగా నిర్వహించారు. ఈ కార్యక్రమంలో హీరో ముగెన్ రావ్ మాట్లాడుతూ “ట్రైలర్ లాగే సినిమా కూడా అందరినీ అలరిస్తుంది. ఒక డిఫరెంట్ ఇన్వెస్టిగేటివ్ క్రైమ్ థ్రిల్లర్గా నిరమ్ మూవీ ఆద్యంతం ఆకట్టుకుంటుంది” అని తెలిపారు. హీరోయిన్ తాన్యా హోప్ మాట్లాడుతూ - ఒక సాధారణ యువతి తనకు తెలియకుండా ఒక పెద్ద సమస్యలో చిక్కుకుపోతే ఎలా ఇబ్బంది పడుతుంది, ఆ సమస్య నుంచి ఎలా బయటపడుతుంది అనేది తన పాత్ర లో చూస్తారని పేర్కొన్నారు. ఈ కార్యక్రమంలో డి.ఇమ్మాన్, బలరామ్ కృష్ణ, పి. రాజేష్, నితిన్ సత్యా, సురేఖా వాణి, ప్రవస్తి, సంటానియో టెర్జియో, భారతీబాబు పాల్గొన్నారు.
