అక్కినేని ఫ్యామిలీ నుంచి హీరోగా ఎంట్రీ ఇచ్చిన యువ నటుడు అఖిల్.. తన కెరీర్లో సరైన హిట్ కోసం ఎప్పటి నుంచో ఎదురుచూస్తున్నాడు. 2023లో ‘ఏజెంట్’ అనే సినిమాతో ప్రేక్షకుల ముందుకు వచ్చిన అఖిల్.. ఆ సినిమా కూడా ఆశించిన స్థాయిలో ఆడకపోవడంతో కాస్త గ్యాప్ ఇచ్చాడు. ఇప్పుడు ‘లెనిన్’ అనే సినిమాతో ప్రేక్షకుల ముందుకు వస్తున్నాడు అఖిల్. ఈ సినిమాలో అఖిల్ పల్లెటూరి కుర్రాడిలా డిఫరెంట్ లుక్లో కనిపిస్తున్నాడు. ఇప్పటివరకూ ఈ సినిమా నుంచి వచ్చి అప్డేట్స్కి మంచి స్పందన వచ్చింది. తాజాగా అక్కినేని నాగార్జున ఇండస్ట్రీకి వచ్చి 40 ఏళ్లు అయిన సందర్భంగా ఈ సినిమా టీజర్ని విడుదల చేసింది. చిత్ర యూనిట్.
‘మనోడు వస్తున్నాడు’.. నేను తప్పిపోయి రాలేదు.. మీ అందరినీ వెతుక్కుంటూ వచ్చా’ అంటూ అఖిల్ చెప్పే డైలాగ్లు ఆకట్టుకుంటున్నాయి. హీరోయిన్ భాగ్యశ్రీ బోర్సే.. తన గ్లామర్తో, నటనతో ప్రేక్షకులను మెప్పించింది. మొత్తానికి దర్శకుడు మురళీకిశోర్.. సినిమాని అద్భుతంగా తీర్చిదిద్దాడని టీజర్ చూస్తే అర్థమవుతోంది. టీజర్ చూసిన అభిమానులు అఖిల్ ఈసారి హిట్ కొట్టడం పక్కా అంటూ కామెంట్ చేస్తున్నారు. ‘నాకు సర్ప్రైజ్ ఇచ్చాడంటూ’ నాగార్జున ఈ టీజర్ని షేర్ చేశారు. చూస్తున్నంత సేపు హాయిగా ఉందని ఆయన అన్నారు. ఇక ఈ సినిమా జూన్ 26న ప్రేక్షకుల ముందుకు రానుంది.
