టీం ఇండియాకు సారథిగా టి-20 ప్రపంచకప్ను అందించిన సూర్యకుమార్ యాదవ్.. ఆ తర్వాత జట్టులో చోటు కోల్పోయాడు. ఫామ్ లేమి కారణంగా అతడిని సెలక్టర్లు జట్టు నుంచి తప్పించారు. అతడి స్థానంలో శ్రేయస్ అయ్యర్కు కెప్టెన్సీ ఇచ్చారు. అయితే తిరిగి పొట్టి ఫార్మాట్లో జట్టులో చోటు దక్కించుకోవాలంటే.. 35 ఏళ్ల సూర్యకు ఫిట్నెస్తో పాటు ఫామ్ను అందుకోవడం కూడా ముఖ్యమే. అందుకోసం అతడు నెట్స్లో కఠోరంగా శ్రమిస్తున్నాడు. తాజాగా ఇందుకు సంబంధించిన వీడియోని అతడు షేర్ చేశాడు. దాదాపు మూడు గంటల్లో సుమారు 1000 బంతులను ఎదురుకున్నట్లు అతడు రాసుకొచ్చాడు. అంటే నిమిషానికి కనీసం ఐదు బంతులను ఎదుర్కొవడం గమనార్హం. ఈ వీడియో ప్రస్తుతం వైరల్ అవుతుంది. సూర్య శ్రమను అభినందిస్తూ.. నెటిజన్లు కామెంట్ చేస్తున్నారు.
