భారత టెక్ మార్కెట్లో రియల్మీ 16T తో పాటు రియల్మీ వాచ్ S5 కూడా అధికారికంగా విడుదలైంది. సాండ్ వైట్, రాక్ గ్రే వంటి రంగులలో లభిస్తోన్న ఈ వాచ్ అనేక హెల్త్, ఫిట్నెస్ ట్రాకింగ్ ఫీచర్లను అందిస్తుంది. అంతేకాదు, 110 స్పోర్ట్స్ మోడ్లకు, బ్లూటూత్ కాలింగ్కు మద్దతు ఇస్తుంది. దీని ధర గురించి మాట్లాడితే, ఈ స్మార్ట్వాచ్ రూ.7,999కు కొనుగోలు చేయవచ్చు. జూన్ 5వ తేదీ మధ్యాహ్నం 12 గంటల నుండి దీని సేల్స్ కంపెనీ వెబ్సైట్లో ప్రారంభమవుతాయి. ఫీచర్ల విషయానికి వస్తే, ఈ స్మార్ట్వాచ్లో 1500 నిట్స్ ప్రకాశం, 60Hz రిఫ్రెష్ రేట్, ఆల్వేస్-ఆన్ ఆమోలెడ్ డిస్ప్లే సపోర్ట్తో కూడిన 1.97-అంగుళాల ఆమోలెడ్ డిస్ప్లే ఉంది. బ్లూటూత్ కాలింగ్కు సపోర్ట్ చేస్తూ, ఈ వాచ్ బ్లూటూత్ ద్వారా ఫోన్కు కనెక్ట్ అవుతుంది. తద్వారా, ఈ వాచ్ నుంచే కాల్స్ చేయవచ్చు, స్వీకరించవచ్చు. ఇది రన్నింగ్, సైక్లింగ్, యోగా, బ్యాడ్మింటన్తో సహా 110కి పైగా స్పోర్ట్స్ మోడ్లను అందిస్తుంది. నావిగేషన్ కోసం, ఈ వాచ్లో 5-సిస్టమ్ GNSS పొజిషనింగ్తో కూడిన GPS ఫీచర్ ఉంది. 5ATM వాటర్ రెసిస్టెన్స్తో వస్తున్న ఈ వాచ్ టచ్ ఇన్పుట్కు సపోర్ట్ చేస్తుంది. కాబట్టి, తడి చేతులతో కూడా డిస్ప్లేను ఆపరేట్ చేయవచ్చని రియల్మీ చెబుతోంది. ఈ వాచ్ SpO2 ట్రాకింగ్, హార్ట్ బీట్ రేట్ వంటి అనేక ఉపయోగకరమైన ఆరోగ్య ట్రాకింగ్ ఫీచర్లను అందిస్తుంది. వాచ్ S5 ఒకే ఛార్జ్పై 20 రోజుల వరకు బ్యాటరీ లైఫ్ను అందిస్తుంది. ఈ స్మార్ట్వాచ్ మందం 11.8mm. బరువు 32 గ్రాములు.
