హీరో సూర్య, మమితా బైజు ప్రధాన పాత్రల్లో నటించిన 'విశ్వనాథ్ & సన్స్' చిత్రం ఆగస్టు 14, 2026న విడుదలై బాక్సాఫీస్ వద్ద కుటుంబ ప్రేక్షకులను ఆకట్టుకుంటూ ఘన విజయం సాధించింది. ఈ చిత్రంలో సీనియర్ నటి రాధికా నటించింది. ఈ సినిమా సక్సెస్ మీట్ లో నటి రాధిక మాట్లాడుతూ హీరో సూర్యపై ప్రశంసలు కురిపించారు. ఈ సినిమాలో సూర్యకు తల్లి పాత్రలో నటించిన రాధిక సూర్య పడిన కష్టాలు, సవాళ్లు మరియు ఆయన చేసిన మానసిక పోరాటాలను తాను దగ్గర నుండి చూశానని చెప్పారు. సూర్యను తన స్వంత కుటుంబంలో ఒక భాగంగా భావిస్తానని, ఆయన ఎదుర్కొన్న కష్టాలన్నింటినీ అధిగమించి ఇప్పుడు ఈ స్థాయిలో ఉండటం చూస్తుంటే చాలా గర్వంగా ఉందని వ్యక్తం చేశారు. సూర్య తక్కువగా మాట్లాడే వ్యక్తని, తన మనసులోని భావాలను చాలా అరుదుగా కొందరితో మాత్రమే పంచుకుంటారని, అలా ఆయన మాట్లాడే ఆ కొద్దిమంది సన్నిహితుల్లో తాను కూడా ఒకరిగా ఉండటం సంతోషంగా ఉందని పేర్కొన్నారు.
