న్యూఢిల్లీ: ‘కమిటీ కుర్రోళ్లు’ చిత్రానికి ఉత్తమ తెలుగు చిత్రంగా లభించిన రజత కమలం అవార్డును నిర్మాత నిహారిక కొణిదెల అందుకున్నారు. పింక్ ఎలిఫెంట్ పిక్చర్స్ ఎల్ఎల్పీ, శ్రీ రాధా దామోదర స్టూడియోస్ తరఫున ఆమె ఈ అవార్డును స్వీకరించారు.
యదు వంశీ దర్శకత్వం వహించిన ‘కమిటీ కుర్రోళ్లు’ నిహారికకు ఫీచర్ ఫిల్మ్ నిర్మాతగా తొలి చిత్రం. కొత్త నటీనటులతో రూపొందిన ఈ సినిమా గ్రామీణ నేపథ్యంలోని కథతో ప్రేక్షకులను ఆకట్టుకుంది. ఈ చిత్రానికి మేకప్ విభాగంలోనూ అవార్డు దక్కగా.. పి. రవి కుమార్ ఆ పురస్కారాన్ని అందుకున్నారు. సెప్టెంబర్ 22న జరిగిన 72వ జాతీయ చలనచిత్ర అవార్డుల వేడుకలో రాష్ట్రపతి ద్రౌపదీ ముర్ము విజేతలకు అవార్డులు అందజేశారు.
