హిమాచల్ ప్రదేశ్లోని Chamba జిల్లాలో శుక్రవారం రాత్రి 10:04 గంటలకు రిక్టర్ స్కేల్పై 5.0 తీవ్రతతో భూకంపం సంభవించింది. భూకంప ప్రకంపనలు చంబాతో పాటు సమీప జిల్లాలు, రాష్ట్ర రాజధాని Shimla వరకు స్పష్టంగా అనిపించాయి. దీంతో ప్రజలు ఒక్కసారిగా భయాందోళనలకు గురై ఇళ్ల నుంచి బయటకు పరుగులు తీశారు.
భూకంప కేంద్రం చంబా ప్రాంతంలోనే ఉన్నట్లు అధికారులు వెల్లడించారు. ప్రారంభ సమాచారం ప్రకారం ప్రాణనష్టం లేదా భారీ ఆస్తి నష్టం జరిగినట్లు నివేదికలు లేవు. అయితే అధికారులు పరిస్థితిని నిశితంగా పరిశీలిస్తూ, ఎలాంటి ఆఫ్టర్షాక్స్ వస్తాయో గమనిస్తున్నారు.
హిమాచల్ ప్రదేశ్ హిమాలయ భూకంప మండలంలో ఉండటంతో ఈ ప్రాంతంలో తరచూ స్వల్ప, మధ్యస్థాయి భూకంపాలు నమోదవుతుంటాయి. తాజా ఘటనతో స్థానికుల్లో ఆందోళన నెలకొంది
