అమెరికాలోని గ్రేటర్ ఫిలడెల్ఫియా ఎక్స్పో సెంటర్లో జరిగిన మాటా (Mana American Telugu Association) కన్వెన్షన్-2026లో ప్రముఖ సామాజిక సేవకుడు దాము గేదెలకు ప్రతిష్టాత్మక మాటా ఎక్సలెన్స్ అవార్డు MATA Excellence Award (Community Service) అందజేశారు.
సమాజ సేవ, తెలుగు సంస్కృతి పరిరక్షణ, మానవతా కార్యక్రమాల్లో ఆయన చూపిన విశిష్ట సేవలను గుర్తిస్తూ ఈ అవార్డును ప్రదానం చేశారు. ఎన్నో సంవత్సరాలుగా సమాజ అభివృద్ధికి అంకితభావంతో పనిచేస్తూ, సేవా కార్యక్రమాల ద్వారా అనేక మందికి స్ఫూర్తిగా నిలుస్తున్న దాము గెడాలా సేవలను మాటా నాయకత్వం ప్రత్యేకంగా ప్రశంసించింది.
ఈ సందర్భంగా కన్వెన్షన్ వేదికపై దాము గేదెలను ఘనంగా సత్కరించి జ్ఞాపికను అందజేశారు. ప్రవాస తెలుగు సమాజానికి సేవలందిస్తున్న వ్యక్తులను గుర్తించి ప్రోత్సహించడం మాటా సంస్థ లక్ష్యమని నిర్వాహకులు తెలిపారు.
దాము గేదెల అందుకున్న ఈ గౌరవం ఆయన సామాజిక సేవా ప్రస్థానానికి మరింత గుర్తింపును తీసుకువచ్చిందని పలువురు అభిప్రాయపడ్డారు. తెలుగు సమాజానికి సేవ చేయాలనే ఆయన సంకల్పం మరింత మందికి ఆదర్శంగా నిలుస్తుందని కొనియాడారు.
