మాస్ మహరాజ రవితేజ నటించిన రీసెంట్ చిత్రం ‘ఇరుముడి’. శివ నిర్వాణ దర్శకత్వంలో తెరకెక్కిన ఈ సినిమా సూపర్ హిట్గా నిలిచింది. బాక్సాఫీస్ వద్ద రూ.200+ కోట్లు వసూళ్లు చేసింది. కుటుంబ భావోద్వేగాలు, తండ్రి కుమార్తె సెంటిమెంట్ తదితర అంశాలను ఈ సినిమాలో చూపించారు. ఇక ఈ సినిమాలో పాటలు ఒకదానితో ఒకటి పోటీ పడేలా ఉన్నాయి. తాజాగా ఈ సినిమా నుంచి ప్రత్యేకమైన వీడియో సాంగ్ని విడుదల చేశారు. ‘కార్తీకమాసం’ అంటూ సాగే ఈ పాటని చిత్ర బృందం విడుదల చేసింది. అయ్యప్ప స్వామి దీక్ష విశిష్టతను తెలియజేస్తూ సాగే ఈ పాట ప్రేక్షకులను అలరిస్తోంది. మద్యపాన అలవాటును మానుకొని దీక్షను కొనసాగించడానికి రవితేజ పాత్ర చూపే పట్టుదల ఇందులో కనిపిస్తోంది. జివి ప్రకాశ్ కుమార్ స్వరాలు సమకూర్చిన ఈ పాటను దర్శకుడు శివ నిర్వాణ రాయడం విశేషం.
