బ్యాకింగ్ రంగంలో ఉద్యోగం సాధించాలనుకునే అభ్యర్థులకు ఇన్ స్టిట్యూట్ ఆఫ్ బ్యాంకింగ్ పర్సనల్ సెలక్షన్ తీపి కబురు అందించింది. దేశవ్యాప్తంగా వివధ ప్రభుత్వ రంగ బ్యాంకుల్లో ఉన్న మొత్తం 11,403 బ్యాంక్ క్లర్క్ పోస్టుల భర్తీకి ఉద్యోగ నోటీఫికేషన్ ను జారీ చేసింది. తెలంగాణలో 191 పోస్టులు అందుబాటులో ఉన్నాయి. ఈ ఉద్యోగాలకు దరఖాస్తు చేయాలనుకునేవారు ఎదైనా డిగ్రీ పూర్తి చేసి ఉండాలి. ఈ నెల 21 వరకు అప్లై చేసుకోవచ్చు. అభ్యర్థుల వయసు 20 నుంచి 28 సంవత్సరాల మధ్య ఉండాలి. ఎస్సి, ఎస్టి అభ్యర్థులకు రూ. 175, ఇతరులకు రూ.850 దరఖాస్తు రుసుముగా నిర్ణయించింది ఐబిపిఎస్. అక్టోబర్ లో ప్రిలిమినరీ పరీక్షలు, డిసెంబర్ మెయిన్స్ పరీక్షలుంటాయి. అర్హులైన అభ్యర్థులు గడువులోగా అధికారిక వెబ్ సైట్ ద్వారా దరఖాస్తు చేసుకోగలరు.
