న్యూఢిల్లీ: వరల్డ్ జూనియర్ స్వ్కాష్ ఛాంపియన్షిప్లో భారత యంగ్ ప్లేయర్ అనహత్ సింగ్ సంచలనం సృష్టించింది. అద్భుత ఆటతీరుతో ఫైనల్కు చేరిన అనహత్ టైటిల్కు అడుగుదూరంలో నిలిచింది. శనివారం జరిగిన సెమీ ఫైనల్లో ఈజిప్ట్కు చెందిన బార్బ్ సమేహ్ను వరుసగా నాలుగు గేమ్స్లలో ఓడించి ఫైనల్కు దూసుకెళ్లింది. హోరాహోరీగా సాగిన ఈ పోరులో అనహత్.. బార్బ్ సమేహ్పై 11-3, 8-11, 11-4, 11-6 తేడాతో గెలుపొంది టైటిల్ పోరు అర్హత సాధించింది. ఇక తొలి గేమ్ను 11-3తో సునయాసంగా గెలిచిన అనహత్కు రెండో గేమ్లో ప్రత్యర్థి నుంచి గట్టి పోటీని ఎదుర్కొంది. ఈ గేమ్లో 11-8తో చేజార్చుకుంది. అనంరతం చెలరేగిన అనహత్ వరుసగా రెండు గేముల్లో ఆదిపత్యం చెలాయించి.. 11-4, 11-6తో మ్యాచ్ను తనవైపు తిప్పుకుంది.
