నాలుగు రోజులుగా పడుతున్న వర్షాలతో రైతుల్లో చిగురించిన ఆశలు
నాట్లకు సిద్ధమౌతున్న రైతులు
వాయుగుండం ప్రభావంతో రాష్ట్రంలో విస్తారంగా వర్షాలు
ఉమ్మడి కరీంనగర్ జిల్లా అతలాకుతలం
వేములవాడ మూలవాగుకు భారీగా వరద
గోదావరిఖని, మంథనిల మధ్య నిలిచిపోయిన రాకపోకలు
అత్యధికంగా ఏటూరు నాగారంలో 152 మి.మీ. వర్షపాతం
ఎల్లంపల్లికి జలకళ
నంది పంపుహౌస్లో 4 బాహుబలి మోటార్లు ప్రారంభం
మన తెలంగాణ/హైదరాబాద్: రాష్ట్రంలో గత నాలుగు రోజులుగా కురుస్తున్న వర్షాలు రైతుల్లో కొత్త ఆశలను నింపుతున్నా యి. మరో రెండు రోజుల పాటు పలు జిల్లాల్లో భారీ వర్షాలు కురుస్తాయని వాతావరణ శాఖ వెల్లడించింది. దీంతో రైతుల్లో సా గుపై ఆశలు చిగురిస్తున్నాయి. ఈ ఏడాది ఎల్నినో ప్రభావంతో వ ర్షాభావ పరిస్థితులు నెలకొనే అవకాశముందని వాతావరణ శా ఖలు, వ్యవసాయ నిపుణులు హెచ్చరిస్తుండగా, తాజాగా కురిసిన వర్షాలు గ్రామీణ ప్రాంతాల రైతుల్లో ఆనందాన్ని తీసుకొచ్చాయి. చాలా రోజులుగా ఎండిపోయిన వాగులు, వంకలు, చెరువుల్లోకి నీరు చేరడం ప్రారంభమవడంతో రైతులు సాగు పనులపై దృష్టి సారిస్తున్నారు.
రాష్ట్రంలోని పలు జిల్లాల్లో గత నాలుగు రోజుల్లో మోస్తరు నుంచి భారీ వర్షాలు నమోదయ్యాయి. వర్షపు నీటితో చెరువులు కొంతమేర నిండగా, చిన్న వాగుల్లో సైతం ప్రవహిస్తున్నాయి. దీంతో భూగర్భ జలాల పరిస్థితి కూడా మెరుగుపడుతుందనే రైతుల్లో ఆశాభావం వ్యక్తమవుతోంది. ముఖ్యంగా వరి, పత్తి, మొక్కజొన్న, కంది వంటి పంటల సాగుకు రైతులు సన్నద్ధమవుతున్నారు. గత కొన్ని నెలలుగా ఎల్నినో ప్రభావం కారణంగా సాధారణ వర్షపాతం తగ్గే అవకాశం ఉందనే వాతావరణ శాఖ ఇప్పటికే పలు మార్లు హెచ్చరికలు జారీ చేసింది. అయితే ఇటీవల కురుస్తున్న వర్షాలతో రైతుల్లో ఆశలు చిగురించాయి.
సాగు ఏర్పాట్లలో రైతులు బిజీ
చాలా ప్రాంతాల్లో చెరువుల్లోకి నీరు చేరడంతో గ్రామీణ ప్రాంతాల్లో సందడి నెలకొంది. పశువులకు తాగునీటి సమస్య కొంతమేర తీరగా, భూగర్భ జలాలు కూడా మెరుగుపడే అవకాశం ఉందని స్థానికులు చెబుతున్నారు. గత కొన్ని వారాలుగా నీటి కొరతతో ఇబ్బందులు ఎదుర్కొన్న ప్రజలకు ఈ వర్షాలు ఉపశమనం కలిగించాయి. వర్షాలు ప్రారంభం కావడంతో రైతులు పొలాల దుక్కి పనులు, విత్తనాల కొనుగోలు, ఎరువుల సమీకరణ వంటి వ్యవసాయ కార్యకలాపాలను వేగవంతం చేస్తున్నారు. కొంతకాలంగా వర్షాల కోసం ఎదురుచూస్తున్న రైతులు ఇప్పుడు పంటల సాగుకు అనుకూల పరిస్థితులు ఏర్పడ్డాయని ఆశిస్తున్నారు.
వ్యవసాయ శాఖ అధికారులు కూడా రైతులు వాతావరణ పరిస్థితులను పరిశీలిస్తూ పంటల ఎంపికలో జాగ్రత్తలు తీసుకోవాలని సూచిస్తున్నారు. వ్యవసాయ రంగం పూర్తిగా కోలుకోవాలంటే రాబోయే వారాల్లో కూడా సాధారణ స్థాయిలో వర్షాలు కొనసాగాల్సిన అవసరం ఉందని నిపుణులు అభిప్రాయపడుతున్నారు. ప్రస్తుతం కురుస్తున్న వర్షాలు రైతుల్లో ఆశలు నింపినప్పటికీ, ఎల్నినో ప్రభావం పూర్తిగా తగ్గిందా లేదా అన్న విషయంపై మరికొంత కాలం వేచి చూడాల్సి ఉంటుందని వాతావరణ నిపుణులు చెబుతున్నారు. రెండు రోజుల వర్షాలు ఎండిపోయిన నేలకు తేమను, రైతుల మనసుల్లో ఆశలను నింపాయి.
