‘గేమ్ ఆఫ్ థ్రోన్స్’తో ప్రపంచవ్యాప్తంగా గుర్తింపు తెచ్చుకున్న నటుడు కిట్ హారింగ్టన్ ఇప్పుడు ‘హ్యారీ పోటర్’ మాయా ప్రపంచంలోకి అడుగుపెట్టనున్నట్లు సమాచారం. HBO రూపొందిస్తున్న ‘హ్యారీ పోటర్’ సిరీస్ రెండో సీజన్లో ఆయన గిల్డెరాయ్ లాక్హార్ట్ పాత్రలో కనిపించనున్నారు.
ఈ క్యాస్టింగ్తో కొత్త ‘హ్యారీ పోటర్’ సిరీస్పై ప్రేక్షకుల్లో ఆసక్తి మరింత పెరిగింది.
గిల్డెరాయ్ లాక్హార్ట్గా కిట్
‘హ్యారీ పోటర్ అండ్ ది చాంబర్ ఆఫ్ సీక్రెట్స్’లో గిల్డెరాయ్ లాక్హార్ట్ కీలక పాత్ర. తనను తాను గొప్ప మాంత్రికుడిగా భావించుకునే ఈ పాత్ర.. హాగ్వార్ట్స్లో డిఫెన్స్ అగైనెస్ట్ ది డార్క్ ఆర్ట్స్ టీచర్గా బాధ్యతలు చేపడుతుంది.
అయితే తన సాహసాల గురించి లాక్హార్ట్ చెప్పుకునే గొప్ప కథల వెనుక అసలు నిజం మరోలా ఉంటుంది. అతని ఆత్మవిశ్వాసం, ఫేమ్పై మోజు కథలో వినోదాన్ని పంచుతాయి.
జాన్ స్నో తర్వాత మరో ఫాంటసీ పాత్ర
‘గేమ్ ఆఫ్ థ్రోన్స్’లో జాన్ స్నో పాత్రతో ప్రపంచవ్యాప్తంగా స్టార్గా ఎదిగిన కిట్ హారింగ్టన్కు ఇది మరో భారీ ఫాంటసీ ఫ్రాంచైజీలో అవకాశం.
అయితే జాన్ స్నోతో పోలిస్తే లాక్హార్ట్ పూర్తిగా భిన్నమైన పాత్ర. జాన్ స్నో సీరియస్, యోధుడి తరహా పాత్ర కాగా.. లాక్హార్ట్ తన అందం, కీర్తి, గొప్పతనాన్ని ప్రదర్శించుకోవడంలో ఆసక్తి చూపించే వ్యక్తి.
‘చాంబర్ ఆఫ్ సీక్రెట్స్’ కథతో సీజన్ 2
HBO రూపొందిస్తున్న ‘హ్యారీ పోటర్’ సిరీస్లో ప్రతి పుస్తక కథను మరింత విస్తృతంగా చూపించే అవకాశం ఉంది.
రెండో సీజన్లో హాగ్వార్ట్స్లో జరుగుతున్న రహస్య దాడులు, చాంబర్ ఆఫ్ సీక్రెట్స్ మిస్టరీ, పాత రహస్యాల వెలుగులోకి రావడం వంటి అంశాలు ప్రధానంగా ఉండనున్నాయి.
లాక్హార్ట్తో వినోదం కూడా
సీజన్ 2లో కథ మరింత డార్క్గా మారుతున్నప్పటికీ, గిల్డెరాయ్ లాక్హార్ట్ పాత్ర తన హాస్యభరిత ప్రవర్తనతో ప్రేక్షకులకు వినోదాన్ని అందించే అవకాశం ఉంది.
కిట్ హారింగ్టన్ ఈ పాత్రను ఎలా పోషించనున్నారనే దానిపై ‘హ్యారీ పోటర్’ అభిమానుల్లో ఇప్పటికే ఆసక్తి మొదలైంది.
