డల్లాస్–ఫోర్ట్ వర్త్ ప్రాంతంలోని ప్రముఖ భారతీయ సంస్థ ఇండియా అసోసియేషన్ ఆఫ్ నార్త్ టెక్సాస్ (IANT) క్రీడా ప్రోత్సాహానికి మరో అడుగు ముందుకేసింది. ఐఏఎన్టీ ఆధ్వర్యంలో జూన్ 27న వాలీబాల్ టోర్నమెంట్ను నిర్వహించనున్నట్లు నిర్వాహకులు ప్రకటించారు.
ఈ టోర్నమెంట్ ఫ్రిస్కోలోని ఫ్రిస్కో ఫ్లయర్స్ క్లబ్ (6300 Flyers Way, Frisco, TX 75034)లో ఉదయం 7:30 గంటల నుంచి మధ్యాహ్నం 1:30 గంటల వరకు జరగనుంది. క్రీడాస్ఫూర్తి, ఆరోగ్యకరమైన పోటీ భావనను పెంపొందించడమే లక్ష్యంగా ఈ పోటీలను నిర్వహిస్తున్నట్లు ఐఏఎన్టీ ప్రతినిధులు తెలిపారు.
పోటీల్లో పాల్గొనే ప్రతి జట్టుకు నమోదు రుసుము 240 డాలర్లుగా నిర్ణయించారు. ఉత్తర టెక్సాస్ ప్రాంతంలోని వాలీబాల్ క్రీడాకారులు, యువత పెద్ద ఎత్తున పాల్గొని ఈ క్రీడా వేడుకను విజయవంతం చేయాలని నిర్వాహకులు పిలుపునిచ్చారు.
సామాజిక, సాంస్కృతిక కార్యక్రమాలతో పాటు క్రీడలకు కూడా ప్రాధాన్యం ఇస్తున్న ఐఏఎన్టీ, ఈ టోర్నమెంట్ ద్వారా భారతీయ సమాజంలో ఐక్యత, స్నేహభావం, ఆరోగ్యకరమైన జీవనశైలిని ప్రోత్సహించనుంది.
