సినీ పరిశ్రమలో ఒక సినిమా విడుదలకు సిద్ధమవుతోందంటే చాలు.. చిత్ర బృందాలు దైవదర్శనాలకు ప్రాధాన్యత ఇవ్వడం మనకు తెలిసిందే. అందులోనూ కలియుగ వైకుంఠమైన తిరుమల శ్రీ వేంకటేశ్వరస్వామి వారిని దర్శించుకుని సినిమా ప్రచారాన్ని ప్రారంభించడం టాలీవుడ్‌లో ఒక ఆనవాయితీగా వస్తోంది. తాజాగా అదే బాటలో ప్రయాణిస్తూ, సరికొత్త కథాంశంతో ప్రేక్షకుల ముందుకు రాబోతున్న 'లెనిన్' (Lenin) చిత్ర యూనిట్ తిరుమల కొండను సందర్శించింది. సినిమా విజయవంతం కావాలని ఆకాంక్షిస్తూ స్వామివారి సన్నిధిలో ప్రత్యేక పూజలు నిర్వహించింది.