బీహార్లోని సివాన్ జిల్లా ఎస్పీ పురణ్ కుమార్ ఝాను ప్రభుత్వం పదవి నుంచి తొలగించింది. జూలై 25న విద్యార్థుల నిరసనల సందర్భంగా ఓ పోలీస్ కానిస్టేబుల్ ఏకే-47తో కాల్పులు జరపడం వివాదాస్పదంగా మారడంతో ఈ చర్య తీసుకుంది. కాల్పులు జరిపిన కానిస్టేబుల్ అభిషేక్ కుమార్ను ఇప్పటికే సస్పెండ్ చేశారు.
సివాన్లోని జేపీ చౌక్ సమీపంలో నిరసనకారులు కానిస్టేబుల్ను చుట్టుముట్టడంతో పరిస్థితిని అదుపులోకి తెచ్చేందుకు ఆయన గాల్లోకి నాలుగు రౌండ్లు కాల్పులు జరిపినట్లు బీహార్ ప్రభుత్వం సుప్రీంకోర్టుకు సమర్పించిన అఫిడవిట్లో తెలిపింది. ఈ కాల్పుల్లో ఎవరూ గాయపడలేదని స్పష్టం చేసింది.
ఇదే ఘటనకు సంబంధించి బాధ్యతలు నిర్వహించిన ఇతర అధికారులకు ఇంకా కొత్త పోస్టింగ్లు ఇవ్వలేదు. ఎస్పీ పురణ్ కుమార్ ఝాను కొత్త పోస్టింగ్ కోసం పరిశీలనలో ఉంచినట్లు ప్రభుత్వం వెల్లడించింది. పోలీసుల అధిక బలప్రయోగంపై సుప్రీంకోర్టులో జరుగుతున్న విచారణలో భాగంగా ఈ వివరాలు వెలుగులోకి వచ్చాయి
