బాలీవుడ్ స్టార్ హీరోయిన్ అలియా భట్ ఇప్పుడు ఇండియాలోని టాప్ మహిళా సెలబ్రిటీల్లో నం.1 స్థానం దక్కించుకోవడం విశేషం. ప్రముఖ సంస్థ క్రోల్ విడుదల చేసిన బ్రాండ్ వాల్యూ నివేదికలో దీపికా పదుకొణె, రష్మిక మందన్న వంటి అగ్ర కథానాయికలను వెనక్కి నెట్టి అలియా అగ్రస్థానాన్ని కైవసం చేసుకున్నారు. వరుస హిట్లు, అంతర్జాతీయ బ్రాండ్ల రాయబారంతో ఆమె ఈ అరుదైన ఘనతను సాధించి అందరి దృష్టిని ఆకర్షిస్తున్నారు. ప్రముఖ ఆర్థిక అధ్యయన సంస్థ ’క్రోల్’ ఇటీవల విడుదల చేసిన సెలబ్రిటీ బ్రాండ్ వాల్యుయేషన్ రిపోర్ట్లో అలియా భట్ మొదటి స్థానంలో నిలిచారు.
ఇక కేవలం నటనతోనే కాకుండా, బిజినెస్ రంగాన్ని కూడా శాసిస్తూ ఆమె ఈ స్థాయికి చేరుకున్నారు. ఈ జాబితాలో అలియా తర్వాతి స్థానంలో దీపికా పదుకొణె రెండో స్థానాన్ని దక్కించుకున్నారు. అలాగే నేషనల్ క్రష్ రష్మిక మందన్న మూడో స్థానాన్ని కైవసం చేసుకుని అందరినీ ఆశ్చర్యపరిచారు. ఇక సీనియర్ నటి కరీనా కపూర్ ఖాన్, గ్లామరస్ బ్యూటీ కియారా అద్వానీ కూడా టాప్ రేసులో నిలిచి తమ క్రేజ్ను చాటుకున్నారు.
