ప్రతి బంధానికి నమ్మకమే పునాది. అయితే ప్రతి ఒక్కరూ కొత్త వ్యక్తులను ఒకే విధంగా విశ్వసించరు. కొందరు పరిచయం అయిన వెంటనే మనసులో చోటిస్తే.. మరికొందరు ఎదుటివారి మాటలు, ప్రవర్తనను గమనిస్తూ చాలా కాలం తర్వాతే నమ్ముతారు. జ్యోతిష్య శాస్త్రం ప్రకారం కొన్ని రాశుల వారికి ఈ స్వభావం మరింత ఎక్కువగా ఉంటుందని చెబుతారు. ముఖ్యంగా గత అనుభవాలు, ఆలోచనా విధానం, భావోద్వేగ స్వభావం, స్వేచ్ఛకు ఇచ్చే ప్రాధాన్యత కారణంగా వీరు ఇతరులను అంత సులభంగా నమ్మరని జ్యోతిష్య విశ్వాసాలు చెబుతున్నాయి.