అమెరికాలోని టెక్సాస్ రాష్ట్రం, ఫ్రిస్కో నగర మేయర్గా మార్క్ హిల్ విజయం సాధించిన సందర్భంగా గ్రేటర్ రాయలసీమ అసోసియేషన్ ఆఫ్ డల్లాస్ ఏరియా (GRADA) వ్యవస్థాపకుడు డా. దర్గా నాగిరెడ్డి హృదయపూర్వక అభినందనలు తెలిపారు. ఇటీవల జరిగిన రన్ఆఫ్ ఎన్నికల్లో మార్క్ హిల్ విజయం సాధించి ఫ్రిస్కో నగరానికి కొత్త మేయర్గా ఎన్నికయ్యారు.
ఈ సందర్భంగా డా. నాగిరెడ్డి మాట్లాడుతూ, ఫ్రిస్కో ప్రజలు మార్క్ హిల్ నాయకత్వం, దూరదృష్టి, సమాజాభివృద్ధి పట్ల ఉన్న అంకితభావంపై విశ్వాసం ఉంచి ఆయనకు ఘన విజయం అందించారని పేర్కొన్నారు. ప్రజల ఆశయాలను నెరవేర్చే విధంగా ఆయన సమర్థవంతమైన నాయకత్వాన్ని అందిస్తారని ఆశాభావం వ్యక్తం చేశారు.
ఫ్రిస్కో నగరం మరింత అభివృద్ధి చెందుతూ అన్ని వర్గాల ప్రజలకు అవకాశాల కేంద్రంగా ఎదగాలని కోరుకుంటూ, మార్క్ హిల్కు విజయవంతమైన పదవీకాలం కోసం డా. దర్గా నాగిరెడ్డి శుభాకాంక్షలు తెలియజేశారు. సమైక్యత, పురోగతి మరియు సమాజ సంక్షేమం దిశగా ఆయన నాయకత్వం నగరాన్ని మరింత ఉన్నత స్థాయికి తీసుకెళ్తుందని విశ్వాసం వ్యక్తం చేశారు.
