అమెరికాలోని టెక్సాస్లో ప్లానో బెలూన్ ఫెస్టివల్కు ఏర్పాట్లు పూర్తయ్యాయి. సెప్టెంబర్ 17 నుంచి 20 వరకు ఓక్ పాయింట్ పార్క్లోని రెడ్ టెయిల్ పెవిలియన్లో ఈ వేడుకలు జరగనున్నాయి.
ఫెస్టివల్లో భాగంగా గురువారం, శుక్రవారం, శనివారం రాత్రి 7:30 గంటలకు నిర్వహించే బెలూన్ గ్లో ప్రత్యేక ఆకర్షణగా నిలవనుంది. డజన్ల కొద్దీ హాట్ ఎయిర్ బెలూన్లు ఒకేసారి వెలుగులతో మెరిసే ఈ దృశ్యం సందర్శకులను విశేషంగా ఆకట్టుకోనుంది. గురువారం, శుక్రవారం, శనివారం రాత్రుల్లో బాణాసంచా ప్రదర్శనలు కూడా ఉంటాయి.
శనివారం, ఆదివారం ఉదయం 7 గంటలకు వాతావరణ పరిస్థితులు అనుకూలిస్తే బెలూన్ లాంచ్ నిర్వహించనున్నారు. లైవ్ మ్యూజిక్, స్కైడైవింగ్, ఫుడ్ వెండర్లు, కిడ్స్ ఫన్ జోన్ వంటి కార్యక్రమాలు కూడా సందర్శకులను అలరించనున్నాయి.
పెద్దలకు టికెట్ ధర 10 డాలర్లు కాగా, 3 నుంచి 12 ఏళ్ల పిల్లలు, సీనియర్లకు 5 డాలర్లు. 36 అంగుళాల లోపు పిల్లలకు ఉచిత ప్రవేశం కల్పిస్తున్నారు.
ఫోటోగ్రఫీకి ఆసక్తి ఉన్నవారికి శనివారం రాత్రి 7:30 గంటల బెలూన్ గ్లో, రాత్రి 9 గంటల ఫైర్వర్క్స్ ఉత్తమ సమయంగా నిర్వాహకులు సూచిస్తున్నారు.
