బెంగళూరు: యువ క్రికెటర్కు డేటింగ్ యాప్లో ఓ యువతి పరిచయమై డబ్బుల కోసం బెదిరించడంతో అతడు స్థానిక పోలీస్ స్టేషన్లో ఫిర్యాదు చేసిన సంఘటన మహారాష్ట్రలో జరిగింది. పోలీసులు తెలిపిన వివరాల ప్రకారం.... మహారాష్ట్రాకు చెందిన ఓ క్రికెటర్ మ్యాచ్ కోసం బెంగళూరుకు వచ్చాడు. పంచతారా హోటల్లో బస చేశాడు. డేటింగ్ యాప్లో జులై 17న ఓ యువతి నుంచి సందేశాలు రావడంతో ఆమెతో అతడు వాట్పాప్ కాల్ మాట్లాడాడు. వాట్సాప్ వీడియో కాల్లో ఆమె చేష్టలు, మాటలు దారితప్పడంతో వెంటనే ఆపేశాడు. చాటింగ్ను రికార్డు చేసి అనంతరం అతడికి పంపించి 1500 రూపాయలు ఇవ్వాలని డిమాండ్ చేసింది. దీంతో అతడు డబ్బులు చెల్లించాడు. అనంతరం మళ్లీ పోన్ చేసి ఎక్కువ మొత్తంలో డబ్బులు కావాలని బెదిరించింది. అతడు తాను ఇవ్వలేనని కాల్ కట్ చేశాడు. మహారాష్ట్రకు వెళ్లే ముందు స్నేహితుడితో కలిసి స్థానిక పోలీస్ స్టేషన్లో అతడు ఫిర్యాదు చేసి వెళ్లిపోయాడు. యువతి ఫోన్ నంబర్ ఆధారంగా పోలీసులు దర్యాప్తు చేస్తున్నారు.
