పెద్ది’ సినిమా విడుదలకు సిద్ధమవుతున్న వేళ, రామ్ చరణ్తో పాటు ఆయన బాడీగార్డ్ కెవిన్ కుంటా కూడా సోషల్ మీడియాలో వైరల్ అవుతున్నారు. తాజాగా ఓ ఇంటర్వ్యూలో కెవిన్ పాపులారిటీ గురించి అడగగా, రామ్ చరణ్ సరదాగా స్పందించారు.
“మీరు అతడిని అంత ఫేమస్ చేశారు కాబట్టి ఇప్పుడు బయటకు వెళ్లనివ్వడం లేదు. ఎవరో చాక్లెట్, బిస్కెట్ ఇచ్చి నా గురించి అడిగేస్తారేమో!” అంటూ నవ్వులు పూయించారు.
అంతేకాదు, కెవిన్ తమ కుటుంబంతో ఎన్నో సంవత్సరాలుగా కలిసి పనిచేస్తున్నాడని, కేవలం బాడీగార్డ్ మాత్రమే కాదు, తమ టీమ్లో ముఖ్య సభ్యుడని తెలిపారు.
గాంబియాకు చెందిన కెవిన్ కుంటా ప్రస్తుతం ఇటలీలో నివసిస్తున్నారు. ఆయన ప్రొఫెషనల్ మిక్స్డ్ మార్షల్ ఆర్ట్స్ ఫైటర్ కూడా. ఆకర్షణీయమైన వ్యక్తిత్వం, స్టైలిష్ లుక్స్తో భారతీయ అభిమానుల దృష్టిని ఆకర్షిస్తున్న కెవిన్, ఇప్పుడు ‘పెద్ది’ సినిమాతో మరింత చర్చనీయాంశంగా మారారు.
