తెలంగాణ

ఫార్మా రంగంపై ట్రంప్ వీరంగం

భారతీయ ఫార్మా రంగానికి అమెరికా అధ్యక్షుడు పెద్ద షాక్ ఇచ్చారు. అమెరికాకు దిగుమతి అయ్యే జనరిక్ ఔషధాలపై కీలక నిర్ణయం ప్రకటించారు. జనరిక్ ఔషధాల తయారీ సంస్థలు అమెరికా లోనే తమ తయారీ యూనిట్లను రెండేళ్లలో ఏర్పాటు చేసుకోవాలని, అంతవరకు అమెరికా లోకి దిగుమతి అయ్యే జనరిక్ ఔషధాలపై ఆగస్టు 1 నుంచి రెండేళ్లపాటు ఎలాంటి దిగుమతి సుంకాలు ఉండవని, ఆ తరువాత మూడో ఏడాది నుంచి 100%, నాలుగో ఏడాది నుంచి 200% సుంకాలు విధిస్తామని బుధవారం తన ట్రూత్ సోషల్ వేదికగా వెల్లడించారు. ట్రంప్ ప్రకటించిన ఈ సుంకాల విధానం ప్రపంచ ఫార్మా రంగాన్ని, ముఖ్యంగా భారతీయ జనరిక్ మందుల పరిశ్రమను తీవ్ర ఆందోళన లోకి నెట్టివేసింది. నిఫ్టీ ఫార్మా సూచిక 1.31 శాతం పడిపోయింది. దీనిలోని 20 కంపెనీల్లో 18 నష్టాలతో ముగిశాయి. ట్రంప్ విధానం ప్రకారం అమెరికాకు ఎగుమతులు చేసే భారత్ ఫార్మా కంపెనీలు అక్కడే తమ తయారీ కేంద్రాలను తప్పనిసరిగా ఏర్పాటు చేసుకోవలసిన పరిస్థితి ఏర్పడుతుంది. లేకుంటే భారీ టారిఫ్‌లను భరించి అమెరికా మార్కెట్‌లో తమ ఉత్పత్తుల ధరలు అధికంగా పెంచుకోక తప్పదు. ట్రంప్ నిర్ణయం ప్రకారం రాత్రికి రాత్రే తమ ఉత్పత్తి కేంద్రాలను అమెరికాకు తరలించడం సాధ్యం క