తెలంగాణ
22631 వార్తలు
భారత్ యుద్ధనౌకలను రూపకల్పన చేస్తోంది: రాజ్ నాథ్ సింగ్
లద్దాఖ్: భారత్ యుద్ధనౌకలను రూపకల్పన చేస్తోంది: రాజ్ నాథ్ సింగ్ పాకిస్థాన్ మాత్రం చొరబాటుకు కొత్త మార్గాలను వెతుకుతోందని రాజ్ నాథ్ సింగ్ తెలిపారు. భారత్ ఆవిష్కరణల వైపు అడుగులు వేస్తోందని అన్నారు. కార్గిల్ అమరవీరులకు సైన్యం ఘననివాళి అర్పించారు. కార్గిల్ విజయ్ దివస్ 27వ వార్షికోత్సవం సందర్భంగా ద్రాస్ సెక్టార్ లో ఆయన మీడియాతో మాట్లాడుతూ.. భారత్ యుద్ధనౌకలను రూపకల్పన చేస్తోందని, పాకిస్థాన్ ఉగ్రవాదానికి రూపకల్పన చేయడంలో నిమగ్నమై ఉందని తెలియజేశారు. భారత్ స్టార్టప్ వ్యవస్థను సృష్టిస్తుంటే, పాకిస్థాన్ ఉగ్రవాద వ్యవస్థను సృష్టిస్తోందని, భారత్ సెమీకండక్టర్లను తయారు చేస్తోందని రాజ్ నాథ్ సింగ్ పేర్కొన్నారు. పాకిస్థాన్ ఆత్మాహుతి దళాలను ఉత్పత్తి చేస్తోందని, భారత్ అంతరిక్ష యాత్రలకు ప్రసిద్ధి చెందితే.. పాకిస్థాన్ ప్రాక్సీ మిషన్లను నిర్వహిస్తోందని అన్నారు. భారత్ అంతరిక్షంలోకి ఉపగ్రహాలను పంపిస్తోందని, పాకిస్థాన్ సరిహద్దు అవతలకు ఉగ్రవాదులను పంపడంలోనే నిమగ్నమైందని చెప్పారు. భారత్ డేటా సెంటర్ లను నిర్మిస్తుంటే..పాకిస్థాన్ రాడికలైజేషన్ కేంద్రాలు నిర్మిస్తోందని, భారత్ యూపిఐ ద్వారా ప్రపంచాన్ని అనుసంధానిస్తోందన
ఇందిరమ్మ ఇళ్ల పేరుతో సైబర్ మోసాలు..... జాగ్రత్త సుమీ
హైదరాబాద్: మహానగరంలో తెలంగాణ ప్రభుత్వం చేపట్టిన ‘ఇందిరమ్మ టవర్స్’ ఇళ్ల కేటాయింపు పేరిట సైబర్ మోసాలు జరిగే అవకాశముందని, ప్రజలంతా అప్రమత్తంగా ఉండాలని నగర పోలీసు కమిషనర్ విసి సజ్జనార్, ఐపిఎస్ హెచ్చరించారు. లబ్ధిదారుల నుంచి రూ.10,000 ముందస్తు డిపాజిట్ (ఈఎండీ) చెల్లించే ప్రక్రియ ప్రారంభం కావడంతో, సైబర్ నేరగాళ్లు నకిలీ కాల్స్, అపరిచిత లింకులతో బురిడీ కొట్టించే ప్రమాదముందని ఆయన సూచించారు. ఈ పథకంలో ఎలాంటి దళారులు లేదా మధ్యవర్తులకు తావులేదని, ఎంపిక ప్రక్రియ పూర్తిగా పారదర్శకంగా జరుగుతుందని తెలిపారు. నిబంధనల ప్రకారం చెల్లించిన ఈఎండి సొమ్ము భద్రంగా ఉంటుందని, ఒకవేళ ఇల్లు కేటాయించకపోతే ఆ మొత్తాన్ని దరఖాస్తుదారుడి ఒరిజినల్ బ్యాంకు ఖాతాకే ప్రభుత్వం నేరుగా తిరిగి జమ చేస్తుందని వివరించారు. "డబ్బులు చెల్లిస్తే ఇల్లు కచ్చితంగా ఇప్పిస్తాం" అని నమ్మించే వారి మాటలు నమ్మవద్దని హెచ్చరించారు. "ఈ రోజే ఆఖరు తేదీ.. వెంటనే డబ్బులు కట్టకపోతే ఇల్లు రద్దవుతుంది" అని భయపెట్టి, తొందరపాటులో నగదు బదిలీ చేయించుకోవడం నేరగాళ్ల ప్రధాన ఎత్తుగడ అని సజ్జనార్ తెలియజేశారు.వాట్సాప్ లేదా మెసేజ్ల ద్వారా వచ్చే అపరిచిత లింకులను నమ్మ
మాజీ ఎమ్మెల్యే పెద్ది సుదర్శన్ రెడ్డి కన్నుమూత
నర్సంపేట: వరంగల్ జిల్లా నర్సంపేట మాజీ ఎమ్మెల్యే పెద్ది సుదర్శన్ రెడ్డి కన్నుమూశారు. ఆదివారం తెల్లవారుజామున పెద్ది సుదర్శన్ గుండెపోటు తో చనిపోయారని కుటుంబ సభ్యులు తెలిపారు. సుదర్శన్ రెడ్డికి తీవ్ర అస్వస్థతకు గురికావడంతో వెంటనే ఆయన ఓ ప్రైవేటు ఆస్పత్రికి తరలించారు. అప్పటికే ఆయన గుండెపోటుతో మృతి చెందారని పరీక్షించిన వైద్యులు తెలిపారు. ఆయన మృతి పట్ల మాజీ సిఎం కెసిఆర్, బిఆర్ఎస్ వర్కింగ్ ప్రెసిడెంట్ కెటిఆర్, మాజీ మంత్రి హరీష్ రావు, బిఆర్ఎస్ నేతలు సంతాపం తెలిపారు. ఆయన కుటుంబ సభ్యులకు ప్రగాఢ సానుభూతి ప్రకటించారు. మరణ వార్త తెలిసిన వెంటనే కెటిఆర్ వరంగల్ కు ప్రయాణమయ్యారు. 2019 అసెంబ్లీ ఎన్నికలలో తెలంగాణ రాష్ట్ర సమితి పార్టీ తరపున నర్సంపేట శాసనసభ నియోజకవర్గం నుండి ఎంఎల్ఎగా గెలిచారు. తెలంగాణ పౌర సరఫరాల సంస్థ ఛైర్మన్గా సేవలందించారు. వరంగల్ గ్రామీణ జిల్లా నల్లబెల్లి మండలంలోని నల్లబెల్లి గ్రామంలో 1974 ఆగస్టు 6న రాజిరెడ్డి అమృతమ్మ అనే దంపతులకు సుదర్శన్ జన్మించారు. 1991లో వరంగల్ లోని మహబూబియా పంజాథన్ కాలేజీ నుండి ఇంటర్మీడియట్ పూర్తి చేశారు. నల్లబెల్లి మండల యూత్ అధ్యక్షుడిగా రాజకీయ జీవితాన్ని ప్రారం
వార ఫలాలు (26-07-2026 నుంచి 01-08-2026 వరకు).... ఆ రాశి వారికి భూవివాదాలు పరిష్కారం అవుతాయి
మేషంమేష రాశి వారికి ఈ వారం చాలావరకు అనుకూలంగా ఉంటుంది. ప్రతి ఉద్యోగాలపరంగా రావలసినటువంటి బెనిఫిట్స్ వీరికి లభిస్తాయి. వ్యాపార పరంగా చేసేటువంటి నూతన కార్యక్రమాలు సత్ఫలితాలను ఇస్తాయి. ఆరోగ్య విషయంలో అశ్రద్ధ చెయ్యడం మంచిది కాదు. మాతృ వర్గ బంధువుల నుండి వివాదాలు కలుగుతాయి. ఎంత కష్టపడినా ఫలితం అంతంతమాత్రంగా ఉంటుంది. సంతాన సంబంధమైన విషయాలు బాగున్నాయి. చేపట్టిన పనులలో జాప్యం కలుగుతుంది. నూతన వాహన కొనుగోలు ప్రయత్నాలు వాయిదా పడతాయి. నిరుద్యోగులకు రావలసిన అవకాశములు అందక నిరాశ పెరుగుతుంది. ముఖ్యమైన విషయాలలో గోపిక పాటించండి. అందరిని నమ్మి అని చెప్పవద్దు. వృత్తి వ్యాపారాలు మందగిస్తాయి. ప్రతిరోజు ప్రతినిత్యం ఓం నమశ్శివాయ వత్తులతో దీపారాధన చేయండి. సౌర కంకణం చేతికి ధరించండి. ఈ రాశి వారికి కలసి వచ్చి సంఖ్య రెండు కలిసి వచ్చే రంగు మెరూన్. ఏదైనా పని మీద బయటకు వెళ్ళేటప్పుడు గురువారం కానీ శుక్రవారం కానీ వెళ్ళండి మంచి ఫలితాలు కలుగుతాయి.వృషభంవృషభ రాశి వారికి ఈ వారం అనుకూలంగా ఉంది. ప్రభుత్వ పరంగా రావలసినటువంటి ధనం చేతికందుతుంది. వ్యాపార రంగంలో మీకంటూ ఒక స్థానాన్ని సంపాదించుకుంటారు. ఫార్మా రంగంలోని వారికి అనుకూ
టైటిల్కు అడుగు దూరంలో...
న్యూఢిల్లీ: వరల్డ్ జూనియర్ స్వ్కాష్ ఛాంపియన్షిప్లో భారత యంగ్ ప్లేయర్ అనహత్ సింగ్ సంచలనం సృష్టించింది. అద్భుత ఆటతీరుతో ఫైనల్కు చేరిన అనహత్ టైటిల్కు అడుగుదూరంలో నిలిచింది. శనివారం జరిగిన సెమీ ఫైనల్లో ఈజిప్ట్కు చెందిన బార్బ్ సమేహ్ను వరుసగా నాలుగు గేమ్స్లలో ఓడించి ఫైనల్కు దూసుకెళ్లింది. హోరాహోరీగా సాగిన ఈ పోరులో అనహత్.. బార్బ్ సమేహ్పై 11-3, 8-11, 11-4, 11-6 తేడాతో గెలుపొంది టైటిల్ పోరు అర్హత సాధించింది. ఇక తొలి గేమ్ను 11-3తో సునయాసంగా గెలిచిన అనహత్కు రెండో గేమ్లో ప్రత్యర్థి నుంచి గట్టి పోటీని ఎదుర్కొంది. ఈ గేమ్లో 11-8తో చేజార్చుకుంది. అనంరతం చెలరేగిన అనహత్ వరుసగా రెండు గేముల్లో ఆదిపత్యం చెలాయించి.. 11-4, 11-6తో మ్యాచ్ను తనవైపు తిప్పుకుంది.
భారత్ ఘన విజయం
హరారే: టీమిండియా యువ జట్టు మరో విజయాన్ని నమోదు చేసింది. దీంతో మరో మ్యాచ్ మిగిలుండగానే సిరీస్ కైవసం చేసుకుంది. అతిధ్య జింబాబ్వేతో జరుగుతున్న మూడు టి20ల సిరీస్లో భాగంగా శనివారం జరిగిన రెండో టి20 మ్యాచ్లో టీమిండియా 90 పరుగులు తేడాతో భారీ విజయం సాధించింది. టీమిండియా నిర్ధేశించిన 220 పరుగుల భారీ లక్ష చేధనకు దిగిన జింబాబ్వే 17.5 ఓవర్లలో 129 పరుగులకు కుప్పకూలింది. బ్రియాన్ బెన్నెట్(32), ర్యాన్ బర్ల్(20), మరుమని(24) టాప్ స్కోరర్లుగా నిలిచారు. భారత బౌలర్లలో అభిషేక్ శర్మ మూడు వికెట్లు పడగొట్టి అతిధ్య జట్టు నడ్డీ విరచగా.. యశ్ ఠాకూర్2, ప్రిన్స్ యాదవ్ 2 వికెట్లు పడగొట్టారు. రవి బిష్ణోయ్, శివమ్ దూబే, తిలక్ వర్మ తలో వికెట్ దక్కించుకున్నారు.తిలక్, ఇషాన్ అర్ధ శతకాలు.. అంతకుముందు టాస్ ఓడి బ్యాటింగ్కు దిగిన భారత్కు శుభారంభం దక్కలేదు. మరోసారి అభిషేక్ శర్మ(8) విఫలమయ్యడు. రెండో ఓవర్లో ముజర్బానీ బౌలింగ్లో క్యాచ్ ఔట్గా వెనుదిరిగాడు. అభిషేక్ ఔటైనా.. వైభవ్ సూర్యవంశీ(20) చెలరేగాడు. రిచర్డ్ నగర్వా వేసిన మూడో ఓవర్లో వరుసగా 4, 6, 4, 4 బౌండరీలు బాది ఆఖరి బంతికి క్యాచ్ ఔట్గా వెనుదిరిగాడు. క్రీజులోకి వచ్చిన
హాస్యం, ప్రేమతో ‘సౌండ్ ఇంజినీర్’
హీరో రోహిత్ నారా 23వ చిత్రం పూర్తి ఎంటర్టైనర్గా రూపుదిద్దుకుంటోంది. ఈ చిత్రాన్ని కరణ్ సి ప్రొడక్షన్స్ ఎల్ఎల్పి నిర్మిస్తోంది. ఈ ప్రాజెక్ట్తో చినిమిల్లి మణికుమార్ దర్శకుడిగా పరిచయం అవుతున్నారు. భరత్ చౌదరి నిర్మిస్తున్న ఈ చిత్రం అన్ని వర్గాల ప్రేక్షకులను అలరించేలా రూపొందిస్తున్నారు. రోహిత్ నారాకు పుట్టినరోజు శుభాకాంక్షలు తెలుపుతూ చిత్ర నిర్మాతలు టైటిల్, ఫస్ట్-లుక్ పోస్టర్ను విడుదల చేశారు. ఈ చిత్రానికి ’సౌండ్ ఇంజనీర్’ అనే ఆసక్తికర టైటిల్ పెట్టారు. ఫస్ట్-లుక్ పోస్టర్ రోహిత్ నారాను సరికొత్త అవతారంలో పరిచయం చేస్తుంది. టైటిల్ తో పాటు, కథానాయకుడి ప్రపంచాన్ని పరిచయం చేసే ఒక కాన్సెప్ట్ వీడియోను విడుదల చేశారు. హాస్యనటుడు సుదర్శన్ వాయిస్ తో ఈ వీడియో, రోహిత్ నారా పాత్రకు వినికిడి లోపం ఉందని తెలివిగా సూచిస్తూ, అతనికి ‘సౌండ్ ఇంజినీర్‘ అనే ట్యాగ్ తెచ్చిపెట్టింది. టైటిల్, కాన్సెప్ట్ వీడియో ప్రేమ, హాస్యం, భావోద్వేగాలు, సంగీతాన్ని మిళితం చేసే కథను సూచిస్తుంది. రోహిత్ నారా సరసన నయన్ సారిక కథానాయికగా నటిస్తోంది.
కూకట్పల్లిలో రోడ్డు ప్రమాదం: ఇద్దరు మృతి
కూకట్పల్లి: స్కూటీని టిప్పర్ ఢీకొట్టడంతో ఇద్దరు యువకులు మృతి చెందిన సంఘటన మేడ్చల్ మల్కాజ్గిరి జిల్లా కూకట్పల్లిలో జరిగింది. పోలీసులు తెలిపిన వివరాల ప్రకారం..... మహేశ్(17), లక్ష్మీతేజ(17) అనే ఇద్దరు యువకులు మరో స్నేహితుడి కలిసి క్రికెట్ ఆడేందుకు స్కూటీపై వెళ్తున్నారు. టిప్పర్ లారీ అదుపుతప్పి వారిని ఢీకొట్టడంతో ఇద్దరు ఘటనా స్థలంలోనే మృతి చెందారు. డ్రైవర్ వెంటనే ఘటనా స్థలం నుంచి పారిపోయాడు. పోలీసులు ఘటనా స్థలానికి చేరుకొని మృతదేహాలను గాంధీ ఆస్పత్రికి తరలించారు. టిప్పర్ను సీజ్ చేశారు. ఇంకా వివరాలు తెలియాల్సి ఉంది.
‘అమ్మా.. నాకు ఆ అబ్బాయి కావాలి’ ట్రైలర్ విడుదల
జిఎస్ఆర్ మూవీ మేకర్స్ పతాకంపై పవన్ మహావీర్ ను హీరోగా పరిచయం చేస్తూ... శైలజ రెడ్డి నిర్మిస్తున్న విభిన్న ప్రేమకధా చిత్రం ‘అమ్మా... నాకు ఆ అబ్బాయి కావాలి’. శివాల ప్రభాకర్ దర్శకత్వం వహిస్తున్న ఈ చిత్రంలో వర్షిక, సుహానా హీరోయిన్లు. పోస్ట్ ప్రొడక్షన్ పనులు పూర్తి చేసుకున్న ఈ చిత్రం ఆగస్టు 7న ప్రేక్షకుల ముందుకు రానుంది. ఈ సందర్భంగా ఈ చిత్రం ట్రైలర్ విడుదల చేశారు. హైదరాబాద్లో జరిగిన ఈ వేడుకలో దర్శకుల సంఘం అధ్యక్షులు వి.ఎన్. ఆదిత్య ముఖ్య అతిధిగా హాజరయ్యారు. దర్శకులు సి.రాంప్రసాద్, శివనాగు, నిర్మాత తుమ్మలపల్లి రామసత్యనారాయణ విశిష్ట అతిధులుగా పాల్గొన్నారు. ‘ట్రైలర్ చాలా బాగుందని, పవన్ మహావీర్కి ఇది పరిచయ చిత్రమంటే నమ్మడం కష్టమని‘ అతిధులు పేర్కొన్నారు. నిర్మాత జి. శైలజరెడ్డి మాట్లాడుతూ ఈ చిత్రాన్ని ఆగస్టు 7న విడుదల చేసేందుకు సన్నాహాలు చేస్తున్నామన్నారు. ఈ కార్యక్రమంలో హీరో మహావీర్, హీరోయిన్లు వర్షిక, సుహానా, దర్శకుడు శివాల ప్రభాకర్తో పాటు చిత్ర బృందం పాల్గొంది.
ఔట్సోర్సింగ్ ఉద్యోగుల సేవలు మరో ఏడాది పొడిగింపు
నవతెలంగాణ – హైదరాబాద్ : రాష్ట్ర వైద్య ఆరోగ్య శాఖ పరిధిలోని డైరెక్టర్ ఆఫ్ మెడికల్ ఎడ్యుకేషన్ (డీఎంఈ) కింద పనిచేస్తున్న 16,871 మంది కాంట్రాక్ట్, ఔట్ సోర్సింగ్ సిబ్బంది సేవల కాలాన్ని రాష్ట్ర ప్రభుత్వం మరో ఏడాది పాటు పొడిగించింది. 2026 ఏప్రిల్ 1 నుంచి 2027 మార్చి 31 వరకు ఈ పొడిగింపు అమలులో ఉంటుంది. క్రమబద్ధీకరించిన రెగ్యులర్ పోస్టులు భర్తీ అయ్యే వరకు లేదా అవసరం ముగిసే వరకు ఈ ఉత్తర్వులు వర్తిస్తాయి. […] The post ఔట్సోర్సింగ్ ఉద్యోగుల సేవలు మరో ఏడాది పొడిగింపు appeared first on Navatelangana.
గంభీర్ సరిగ్గా హ్యాండిల్ చేయడం లేదు
ముంబై: భారత క్రికెట్ జట్టు ప్రదాన కోచ్ గౌతమ్ గంభీర్పై మాజీ సెలెక్టర్ కృష్ణమాచారి శ్రీకాంత్ సంచలన వ్యాఖ్యలు చేశాడు. పిన్న వయస్కుడైన వైభవ్ సూర్యవంశీ ఆత్మవిశ్వాసాన్ని దెబ్బతీసాడని, అతన్ని సరిగ్గా హ్యాండిల్ చేయలేకపోయాడని విమర్శలు గుప్పించాడు. ఐపిఎల్ 2026 సీజన్లో అద్వితీయమైన ప్రదర్శనతో ఆరెంజ్ క్యాప్ అందుకున్న వైభవ్ సూర్యవంశీ.. ఐర్లాండ్ పర్యటనకు ఎంపికయ్యాడు. అయితే ఈ సిరీస్లో ముందుగా వైభవ్కు అవకాశం ఇవ్వలేదు. ఇంగ్లండ్తో ఐదు టీ20ల సిరీస్లోనూ తొలి మ్యాచ్ ఆడించలేదు. ఆ తర్వాత వరుసగా మూడు మ్యాచ్లు ఆడించగా.. వైభవ్ విఫలమయ్యాడు. దాంతో ఆఖరి మ్యాచ్కు తప్పించి 15 ఏళ్ల కుర్రాడి ఆత్మ స్థైర్యాన్ని దెబ్బతీశాడని తప్పుబట్టాడు. జింబాబ్వే పర్యటనలో భాగంగా తొలి మ్యాచ్లో వైభవ్ సూర్యవంశీ రికార్డ్ హాఫ్ సెంచరీ నమోదు చేశాడని, 18 బంతుల్లోనే 4 సిక్స్లు, 4 ఫోర్లతో హాఫ్ సెంచరీ బాది అంతర్జాతీయ క్రికెట్లో ఈ ఘనతను అందుకున్న అతి పిన్న వయస్కుడిగా చరిత్ర సృష్టించాడని, ఇప్పటికైనా తరుపరి సిరీస్లలో అతన్ని పరిగననలోకి తీసుకోవాలని సూచించాడు.
