Sponsored by Baps swaminarayan akshardham
Sponsored by Paturi law
3518 వార్తలు
దేశవ్యాప్తంగా శనివారం నాడు సెల్ఫోన్ వినియోగదారుల ఫోన్లు గట్టి శబ్దం లేదా వైబ్రేషన్తో కాసేపు మోతమోగనున్నాయి. జాతీయ విపత్తు నిర్వహణ సంస్థ ఆధ్యర్యంలో సెల్ బ్రాడ్కాస్ట్ అలర్ట్ వ్యవస్థను పరీక్షించనున్నారు. అన్ని రాష్ట్రాలు, కేంద్ర పాలిత ప్రాంతాలు, రాజధాని నగరాల్లో ఈ పరీక్షలు జరపనున్నారు. పరీక్ష సమయంలో ప్రజల ఫోన్లకు అలర్ట్ మెసేజ్ వస్తుంది. ఆ సమయంలో ఫోన్ గట్టి శబ్దంతో మోగుతుంది. సంబంధిత విపత్తు నిర్వహణ సందేశం కూడా బయటికి వినపడుతుంది. దేశంలో అలర్ట్ వ్యవస్థ ఏరకంగా పనిచేస్తున్నది దీని ద్వారా తెలుస్తుంది. ఏదైనా అత్యవసర సమయాల్లో ప్రజలకు సందేశాన్ని వెంటనే చేరవేసేందుకు ఇది దోహదపడుతుందని, అందుకే అలర్ట్ సందేశాన్ని సెల్ఫోన్ వినియోగదారులందరికీ పంపిస్తున్నట్లు కేంద్ర ప్రభుత్వ వర్గాలు వెల్లడించాయి.
మధ్యప్రదేశ్లో గురువారం జరిగిన నాటు పడవ ప్రమాదంఓ హృదయ విదారక దృశ్యాన్ని కళ్లముందుంచింది. బర్గి రిజర్వాయర్లో బోటు షికారుకు వెళ్లిన దశలో పెనుగాలులు పడవ బోల్తాకు దారితీశాయి. ఈ దశలో ఓ తల్లి పడవ ఊగిసలాట దశలో , ఇక మునక తప్పదని తెలిసినా చివరి వరకూ తన నాలుగేండ్ల కొడుకు ప్రాణాలను రక్షించాలని తాపత్రయపడింది. బాబును గట్టిగా హత్తుకుంది. ఇద్దరూ ఒకే లైఫ్ జాకెట్లో శవాలుగా మరుసటి రోజు గాలింపు చర్యల దశలో దొరికారు. బిడ్డ కోసం తల్లి పడ్డ ఆరాటం, కబళించిన నీటి కెరటాల నడుమ ఆమె బిడ్డ కోసం జరిపిన తుది పోరాటం గుర్తుకొచ్చేలా వీరి చివరి దశ ఉంది. ఈ జంట శవాలను చూసి సహాయక సిబ్బంది కూడా కన్నీటి పర్యంతం అయింది. అక్కడ సహాయక చర్యల పర్యవేక్షణలో ఉన్న రాష్ట్ర మంత్రి ఒకరు ఈ తల్లి కొడుకుల దీన స్థితి చూపి చలించిపోయాడు. కన్నీరు దిగమింగుకునేందుకు తల్లడిల్లాల్సి వచ్చింది.
మాజీ మంత్రి, సీనియర్ నాయకుడు బోడ జనార్దన్ తెలంగాణ రక్షణ సేన (టిఆర్ఎస్)లో చేరనున్నారు. తెలంగాణ రక్షణ సేన కార్యాలయంలో శుక్రవారం టిఆర్ఎస్ అధ్యక్షురాలు కల్వకుంట్ల కవితను ఆయన మర్యాదపూర్వకంగా కలిశారు. త్వరలోనే తన అనుచరులతో కలిసి టిఆర్ఎస్లో చేరుతానని తెలిపారు. సింగరేణి బొగ్గు గనుల ప్రాంతంలో టిఆర్ఎస్ను బలోపేతం చేసేందుకు తన వంతుగా కృషి చేస్తానని పేర్కొన్నారు. బోడ జనార్దన్ ప్రస్తుత మంచిర్యాల జిల్లా చెన్నూరు శాసనసభ నియోజకవర్గం నుంచి తెలుగుదేశం పార్టీ అభ్యర్థిగా వరుసగా నాలుగు సార్లు ఎంఎల్ఎగా గెలిచారు. ఎన్టి రామారావు ప్రభుత్వంలో కార్మిక శాఖ మంత్రిగా పని చేశారు.పార్టీ, కార్మిక జెండాలు ఎగురవేసిన కవిత ప్రపంచ కార్మిక దినోత్సవం మే డే వేడుకలను శుక్రవారం బంజారాహిల్స్లోని తెలంగాణ రాష్ట్ర సేన కార్యాలయంలో ఘనంగా నిర్వహించారు. తెలంగాణ రక్షణ సేన అధ్యక్షురాలు కల్వకుంట్ల కవిత మే డే జెండాతో పాటు కార్మిక జెండాను ఆవిష్కరించారు. కార్మికులు, కర్షకులకు మే డే సందర్భంగా శుభాకాంక్షలు తెలిపారు. ఈ సందర్భంగా కార్మిక అమరవీరులకు నివాళులు అర్పించారు. మే డే వేడుకల్లో ఆటో యూనియన్ నాయకులు, వివిధ కార్మిక సంఘాల ప్రతినిధులు
అమెరికాలో ఉద్యోగం రాదేమోనన్న భయంతో కర్నూలుకు చెందిన యువకుడు ఆత్మహత్యకు పాల్పడ్డాడు. గది లో తుపాకితో కాల్చుకుని ప్రాణాలు తీసుకున్నాడు. ఈ సంఘటన ఆలస్యంగా వెలుగు చూసింది. ఘటనకు సంబంధించిన వివరాలలోకి వెళితే కర్నూలుకు చెందిన 26 ఏళ్ల ఇరగనబోయిన చందు అమెరికా, షికాగోలోని డీపాల్డ్ యూనివర్సిటీలో ఎంఎస్ చదివాడు. ఉద్యోగం కోసం ప్రయ త్నాలు చేస్తున్నాడు. అయితే, అమెరికాలో మారిన పరిస్థితుల కారణంగా ఉద్యోగం రావటం కష్టతరంగా మారింది. అవసరాల కోసం కుటుంబ సభ్యులపై ఆధారపడాల్సి వస్తోంది. ఎంత ప్రయత్నించినా ఉద్యోగం రాకపోవటం.. ఖర్చుల కోసం కుటుంబసభ్యుల మీద ఆధారపడాల్సి రావటం తో చందు తీవ్రస్థాయిలో మనస్తాపానికి గురయ్యాడు. ఒత్తిడి తట్టుకోలేక ఏప్రిల్ 28వ తేదీన అపార్ట్మెంట్ గదిలో తుపాకితో కాల్చుకుని ప్రాణా లు తీసుకున్నాడు. చందు మరణ వార్త తెలిసి తల్లిదండ్రులు కన్నీరు మున్నీరుగా విలపిస్తున్నారు.తండ్రి సెక్యూరిటీ గార్డు.. కొడుకుపైనే ఆశలన్నీ చందు తండ్రి ఒక సాధారణ సెక్యూరిటీ గార్డుగా పనిచేస్తూ కుటుంబాన్ని పోషిస్తున్నారు. తన ఇంటి వద్ద తండ్రి పడుతున్న కష్టం, పెరుగుతున్న అప్పులు చందుని కలచివేశాయి. తన వల్ల కుటుంబానికి భారం పెరుగుత
సన్రైజర్స్ హైదరాబాద్ జట్టులో కీలక మార్పు చోటు చేసుకుంది. గాయం కారణంగా శివమ్ మావి లీగ్ నుంచి దూరమైన విషయం తెలిసిందే. గత మినీ వేలంలో మావిని రూ.75 లక్షలకు ఎస్ఆర్హెచ్ దక్కించుకుంది. అయితే అతడు గజ్జల్లో గాయం కారణంగా లీగ్కి దూరమయ్యాడు. ఇప్పుడు అతడి స్థానాన్ని యువ ప్లేయర్ ఆర్ఎస్ అంబరీష్తో భర్తీ చేసింది. అంబరీష్ మీడియం పేస్ ఆల్ రౌండర్. అండర్-19 వరల్డ్ కప్-2026 విన్నింగ్ జట్టులో అతడు సభ్యుడు. ఈ టోర్నీలో 11 వికెట్లు తీసి సత్తా చాటాడు. భారత్ తరఫున రెండో అత్యధిక వికెట్ టేకింగ్ బౌలర్. ఈ 18 ఏళ్ల కుర్రాడు కుడిచేతితో బౌలింగ్ చేస్తాడు. ఎడమ చేతి వాటంతో బ్యాటింగ్ చేయడం గమనార్హం. తమిళనాడుకు చెందిన అంబరీష్కు ఎస్ఆర్హెచ్ ప్లేయింగ్ 11లో ఛాన్స్ ఇచ్చినా ఆశ్చర్యపోవాల్సిన అవసరం లేదు. ఎందుకంటే ఇప్పటికే ప్రఫుల్ హింగే, సకిబ్ వంటి కుర్రాళ్లకు సన్రైజర్స్ ఛాన్స్ ఇచ్చింది. ప్రస్తుతం పాయింట్ల పట్టికలో సన్రైజర్స్ మూడో స్థానంలో ఉంది. ఆడిన తొమ్మిది మ్యాచుల్లో 6 మ్యాచుల్లో విజయం సాధించింది. ఇంకా ఐదు మ్యాచులు ఆడాల్సి ఉంది. మే 3వ తేదీన ఉప్పల్ వేదికగా కోల్కతా నైట్రైడర్స్తో తలపడనుంది.🚨 𝐎𝐅𝐅𝐈𝐂𝐈𝐀𝐋 𝐀𝐍𝐍𝐎𝐔𝐍�
రాష్ట్రంలో కాంగ్రెస్ ప్రభుత్వం రైతులకు ఇచ్చిన హామీల అమల్లో ఘోర వైపల్యం చెందిందని కేంద్ర హోంశాఖ సహాయ మంత్రి బండి సంజయ్ ఆరోపించారు. ఫలితంగా రాష్ట్రంలో రైతులు తీవ్ర ఇబ్బందులు పడుతున్నారని తెలిపారు. రబీ సీజన్లో క్వింటాలుకు రూ.500 బోనస్ చెల్లించాలని, తాలు, తరుగు, తేమ పేరు చెప్పి దోచుకుంటున్న దళారుల నుండి రైతును ఆదుకుని ప్రతి గింజను ఎమ్మెస్పీ ధరకు కొనుగోలు చేయాలని ఆయన రాష్ట్ర ప్రభుత్వాన్ని డిమాండ్ చేశారు. ముఖ్యమంత్రి రేవంత్ రెడ్డికి కేంద్ర మంత్రి బండి సంజయ్ శుక్రవారం మూడు పేజీల బహిరంగ లేఖ రాశారు. కేంద్రంలోని నరేంద్రమోడీ ప్రభుత్వం ప్రవేశపెట్టిన ప్రధానమంత్రి ఫసల్ బీమా యోజన పథకాన్ని సైతం రాష్ట్రంలో పూర్తిస్థాయిలో అమలు చేయకపోవడంవల్ల ఆ పథకం ద్వారా తెలంగాణ రైతులు ప్రయోజనం అందుకోలేకపోతుండటం బాధాకరమని తెలిపారు. ముఖ్యంగా వడ్లు, మొక్కజొన్న, శనగ కొనుగోలులో ప్రభుత్వ నిర్లక్ష్యం ధోరణితో వ్యవహరిస్తోందని విమర్శించారు.మండుతున్న ఎండలు, వడగాడ్పులు, అకాల వర్షాలతో తెలంగాణ రాష్ట్ర రైతాంగం అల్లాడిపోతోందని ఆవేదన వ్యక్తం చేశారు. వడ్లు, మక్కజొన్న,శనగలు, పొద్దుతిరుగుడుసహా రైతులు పండించిన పంటలను అమ్ముకోవడానికి నానా ప
సీనియర్ ఐపిఎస్ అధికారిణి శిఖా గోయల్ శుక్రవారం రాష్ట్ర హోం శాఖ ముఖ్య కార్యదర్శిగా బాధ్యతలు స్వీకరించారు. అదే సమయంలో ఆమె సైబర్ సెక్యూరిటీ బ్యూరో, ఫోరెన్సిక్ సైన్స్ లాబొరేటరీ(ఎఫ్ఎస్ఎల్) డైరెక్టర్గా పూర్తి అదనపు బాధ్యతలను కొనసాగించనున్నారు. బాధ్యతలు స్వీకరించిన అనంతరం ఆమె మాట్లాడుతూ సంబంధిత శాఖాధిపతులు ప్రభుత్వంతో సమన్వయం చేసుకుంటూ హోం శాఖ పరిధిలోని పోలీస్, జైళ్లు, అగ్నిమాపక సేవలు, ప్రాసిక్యూషన్ డైరెక్టరేట్ వంటి వివిధ సంస్థలను మరింత బలోపేతం చేసేందుకు కృషి చేస్తానని పేర్కొన్నారు. సైబర్ నేరాలు, ఫోరెన్సిక్ సైన్స్ రంగాల్లో విశేష అనుభవం ఉన్న శిఖా గోయల్ నియామకం హోం శాఖలో సాంకేతిక ఆధారిత పరిపాలనకు దోహదపడుతుందని అధికార వర్గాలు భావిస్తున్నాయి.
హైదరాబాద్: మెగా అభిమానులు ఎప్పుడెప్పుడా అని ఎదురుచూస్తున్న చిత్రం ‘పెద్ది’. బుచ్చిబాబు సనా దర్శకత్వంలో విలేజ్ స్పోర్ట్స్ యాక్షన్ డ్రామాగా ఈ చిత్రం తెరకెక్కింది. అయితే పలు కారణాల వల్ల ఈ సినిమా విడుదల వాయిదా పడుతూ వస్తోంది. దీంతో అభిమానులకు నిరాశే ఎదురవుతోంది. కాగా, తాజాగా సినిమా విడుదల తేదీని అధికారికంగా ప్రకటించారు. ఈ సినిమా జూన్ 4న విడుదల చేస్తున్నట్లు చిత్ర యూనిట్ వెల్లడించింది. ఇక ఈ సినిమాలో రామ్ చరణ్ సరసన జాన్వీ కపూర్ హీరోయిన్గా నటిస్తోంది. ఈ సినిమాలో కన్నడ స్టార్ శివ రాజ్కుమార్, జగపతి బాబు, దివ్యేందు తదితరులు కీలక పాత్రలు పోషించారు. కోలీవుడ్ స్టార్ హీరోయిన్ శృతి హాసన్ ఈ సినిమాలో స్పెషల్ సాంగ్లో చిందులు వేసింది. ఇప్పటికే ఈ సాంగ్ షూటింగ్ కూడా పూర్తయింది. ఎఆర్ రహమాన్ ఈ సినిమాకు సంగీతం అందించారు. దీంతో ఇక సినిమాకు సంబంధించిన మిగితా పనులు పూర్తి చేసుకొని పెద్ది రిలీజ్కి రెడీ అవుతోంది. దీంతో చరణ్ ఫ్యాన్స్ ఫుల్ ఖుషీ అవుతున్నారు. Meet #PEDDI on June 4th ❤️🔥See you in Cinemas. pic.twitter.com/axzrkheBIe— Ram Charan (@AlwaysRamCharan) May 1, 2026
Government Hospital Medical Breakthrough, Child Liver Transplant Success ఉస్మానియా జనరల్ హాస్పిటల్ 18 నెలల చిన్నారికి కాలేయ మార్పిడి చేసి చరిత్ర సృష్టించింది. గ్లైకోజెన్ స్టోరేజ్ డిసీజ్ తో బాధపడుతున్న బాలుడికి, తండ్రి దానం చేసిన కాలేయంతో 14 గంటల శస్త్రచికిత్స విజయవంతమైంది. ఆరోగ్యశ్రీ పథకం కింద ఉచితంగా జరిగిన ఈ క్లిష్టమైన సర్జరీ, ప్రభుత్వ ఆసుపత్రుల సామర్థ్యాన్ని చాటిచెప్పింది. ఇది పేదలకు మెరుగైన వైద్యం అందించడంలో ఉస్మానియాకు గర్వకారణం.
జైపూర్: ఇండియన్ ప్రీమియర్ లీగ్లో భాగంగా సవాయ్ మాన్సింగ్ స్టేడియం వేదికగా ఢిల్లీ క్యాపిటల్స్తో జరుగుతున్న మ్యాచ్లో రాజస్థాన్ రాయల్స్ జట్టు టాస్ గెలిచి బ్యాటింగ్ ఎంచుకుంది. టేబుల్ టాపర్లు పంజాబ్ కింగ్స్ని ఓడించి మంచి జోష్లో ఉన్న రాజస్థాన్ ఈ మ్యాచ్లో గెలిచేందుకు ఆశపడుతోంది. మరోవైపు వరుసగా ఓటముల పాలవుతున్న ఢిల్లీ క్యాపిటల్స్ జట్టుకి ఈ మ్యాచ్లో విజయం కీలకం కానుంది. ఈ మ్యాచ్లో రాజస్థాన్ రెండు మార్పులు చేసింది. ఢిల్లీ మూడు మార్పులు చేసింది. తుది జట్లు: ఆర్ఆర్: యశస్వి జైస్వాల్, వైభవ్ సూర్యవంశీ, ధృవ్ జురేల్(కీపర్), రియాన్ పరాగ్(కెప్టెన్), డొనొవాన్ ఫెరీరా, రవీంద్ర జడేజా, శుభమ్ దూబే, జోఫ్రా ఆర్చర్, రవి బిష్ణోయ్, నాండ్రే బర్గర్, బ్రిజేశ్ శర్మ. డిసి: కెఎల్ రాహుల్(కీపర్), పాతుమ్ నిస్సాంక, నితీష్ రాణా, సమీర్ రిజ్వీ, అక్షర్ పటేల్(కెప్టెన్), అశుతోష్ శర్మ, కైలీ జెమీసన్, మిచెల్ స్టార్క్, కుల్దీప్ యాదవ్, టి నటరాజన్.
దేశంలోనే జీఎస్టీ వృద్ధిలో తెలంగాణ రెండో స్థానంలో నిలిచింది. మొదటి స్థానంలో కర్ణాటక నిలిచింది. ఈ నేపథ్యంలోనే తెలంగాణలో జీఎస్టీ రాబడి వసూళ్లు గతేడాది ఏప్రిల్తో పోలిస్తే ఈ ఏప్రిల్లో 35 శాతం అధిక వృద్ధిని నమోదు చేసింది. ఈ సంవత్సరం ఏప్రిల్ నెలలో అధిక పనితీరును వాణిజ్య పన్నుల శాఖ నమోదు చేసింది. ఏప్రిల్ 2025లో రూ.3,433 కోట్ల జీఎస్టీ రాబడి రాగా ఈ సంవత్సరం ఏప్రిల్లో జీఎస్టీ రాబడి రూ.4,621 కోట్లుగా నమోదయ్యింది. గతేడాది కన్నా ఈ సంవత్సరం రూ.1,188 కోట్ల రాబడి వాణిజ్య పన్నుల శాఖకు అధికంగా వచ్చింది. దీంతో ఈ సంవత్సరం ఈ శాఖ 35 శాతం వృద్ధిని నమోదు చేయడం విశేషం. ఏప్రిల్లో వచ్చిన రూ.4,621 కోట్ల జీఎస్టీ ఆదాయం, జీఎస్టీ ప్రారంభమైనప్పటి నుంచి అత్యధికంగా వచ్చిన రాబడిగా నమోదు కావడం విశేషం. మార్చి 2026 నెలలో వాణిజ్య పన్నుల శాఖకు రూ.4,231 కోట్ల రాబడి రాగా, ఏప్రిల్లో అది మరింత పెరగడం విశేషం. రాష్ట్ర జీఎస్టీ ఆదాయం నాలుగు నెలలుగా నిరంతరం రూ.4 వేల కోట్లకు పైగా నమోదవుతోంది, జనవరి 2026 నుంచి వాణిజ్య పన్నుల శాఖ రాబడిని అధిగమిస్తూ వస్తోంది. ఈ నాలుగు నెలల్లో వాణిజ్య పన్నుల శాఖ ద్వారా వసూలయిన మొత్తం ఆదాయంలో పెట్రోల్
మే డే సందర్భంగా పంజాబ్లో ప్రత్యేకంగా అసెంబ్లీ సమావేశాలు నిర్వహించారు. అయితే ఈ సమావేశాల్లో రచ్చ జరిగింది. పంజాబ్ సిఎం భగవంత్ మాన్ మద్యం సేవించి అసెంబ్లీకి వచ్చారని ప్రతిపక్ష సభ్యులు ఆరోపించారు. ఆయన మాట్లాడుతూ పలు మార్లు తడబడ్డారని అన్నారు. సభ్యులందరికీ బ్రీత్ అనలైజర్ టెస్ట్ చేయించాలని స్పీకర్ను కోరారు. సిఎం ప్రజల సమక్షంలో డోప్ టెస్ట్ చేయించుకోవాలని డిమాండ్ చేశారు. అయితే ఈ డోప్ పరీక్ష డిమాండ్ను స్పీకర్ తిరస్కరించారు. ప్రతిపక్షాల నిరసనలతో సిఎం భగవంత్ మాన్ స్పందించారు. ఈ సమావేశం కార్మిక దినోత్సవం కోసం ప్రత్యేకంగా ఏర్పాటు చేసిందని.. దయచేసి సభ్యులంతా సభా మర్యాద పాటించాలని కోరారు.
అంతర్జాతీయ మార్కెట్లో ముడిచమురు ధరలు భారీగా పెరుగుతున్న నేపథ్యంలో సమీప భవిష్యత్తులో పెట్రోల్, డీజిల్ ధరలు పెరిగే అవకాశాన్ని పూర్తిగా కొట్టిపారేయలేమని ప్రభుత్వ వర్గాలు శుక్రవారం వెల్లడించాయి. గత నాలుగేళ్లుగా ఇంధన రిటైల్ ధరలు స్థిరంగా కొనసాగుతున్నప్పటికీ, చమురు కంపెనీలకు భారీ నష్టాలు వస్తున్నాయని పేర్కొన్నాయి. ఈ వారం అంతర్జాతీయ మార్కెట్లో ముడిచమురు ధరలు బ్యారెల్కు 126 డాలర్ల వరకు చేరి నాలుగేళ్ల గరిష్ఠ స్థాయిని తాకాయి. అనంతరం కొంత తగ్గినా, ధరలు ఇంకా 110 డాలర్లకు పైగానే కొనసాగుతున్నాయి. హార్మూజ్ జలసంధి మార్గంలో నౌకాయాన రాకపోకలు పరిమితమవడం, అమెరికా-ఇరాన్ మధ్య ఉద్రిక్తతలు కొనసాగడం ఇందుకు ప్రధాన కారణాలుగా పేర్కొంటున్నారు.ఇదిలా ఉండగా, ఇండియన్ ఆయిల్ కార్పొరేషన్ (ఐఓసీ) పరిశ్రమ తరఫున ప్రకటన విడుదల చేస్తూ, అంతర్జాతీయ ఇంధన వ్యయాలు పెరిగినా ప్రస్తుతం పెట్రోల్, డీజిల్, గృహ వినియోగ ఎల్పీజీ ధరలను పెంచడం లేదని తెలిపింది. అయితే వాణిజ్య ఎల్పీజీ, పారిశ్రామిక డీజిల్, 5 కిలోల ఎల్పీజీ సిలిండర్లు, అంతర్జాతీయ విమానయాన సంస్థలకు సరఫరా చేసే జెట్ ఇంధన ధరలను మాత్రం పెంచినట్లు వెల్లడించింది. పశ్చిమ బెంగాల్ అసెంబ్లీ
కేంద్ర ప్రభుత్వం కమర్షియల్ గ్యాస్ ధరలను భారీగా పెంచడంపై రాష్ట్ర పౌరసరఫరాల శాఖ మంత్రి ఉత్తమ్ కుమార్ రెడ్డి తీవ్ర ఆగ్రహం వ్యక్తం చేశారు. ఈ నిర్ణయం సామాన్యుడి నడ్డీ విరిచేలా ఉందని ఆయన మండిపడ్డారు. 19 కేజీల కమర్షియల్ గ్యాస్ ధరను ఏకంగా 993 రూపాయలు పెంచడాన్ని మంత్రి తీవ్రంగా తప్పుబట్టారు. ఒక్కసారిగా 30 నుంచి 35 శాతం ధర పెంచడం ఏంటని ఆయన ప్రశ్నించారు.ఈ పెంపు వల్ల హోటళ్లు, కేప్లు, రెస్టారెంట్లతో పాటు రోడ్ల పక్కన వ్యాపారం చేసుకునే చిరు వ్యాపారులపై కోలుకోలేని దెబ్బ పడుతుందని మంత్రి ఉత్తమ్కుమార్ రెడ్డి ఆవేదన వ్యక్తం చేశారు.ఃపశ్చిమ బెంగాల్ ఎన్నికలు ముగిసిన 24 గంటల్లోపే కేంద్రం ఈ నిర్ణయం తీసుకోవడాన్ని మంత్రి తప్పుబట్టారు. ఇది ముమ్మాటికీ ప్రజలను మోసం చేయడమేనని ఆయన దుయ్యబట్టారు. కమర్షియల్ గ్యాస్ ధర పెరగడం అంటే పరోక్షంగా సామాన్యుడి జేబుకు చిల్లు పెట్టడమేనని, దీనివల్ల ప్రజల జీవన ప్రమాణాలు పడిపోతాయని మంత్రి ఉత్తమ్ ఆందోళన వ్యక్తం చేశారు. ప్రస్తుతం పెరిగిన ధరలతో సిలిండర్ రేటు మూడు వేలకు పైగా చేరుకుందని, కేంద్ర ప్రభుత్వం వెంటనే స్పందించి పెంచిన ధరలను ఉపసంహరించుకో వాలని ఉత్తమ్ కుమార్ రెడ్డి డిమాండ్ చేశార
